Posted: 02/05/2012 05:49 PM IST

‘లవ్ జర్నీ’ సినిమా ఆడియో విడుదల వినూత్న రీతిన జరిగింది. సెలెబ్రెటీ క్రికెట్ లీగ్ మ్యాచ్ జరుగుతున్న వైజాగ్ స్టేడియం దీనికి వేదికైంది. జర్నీ ఫేం జై హీరోగా కలర్స్ స్వాతి మరియు షాజన్ పదమ్సీ హీరోయిన్లుగా నటించిన తమిళ చిత్రం ‘కనిమొళి’ తెలుగులో ‘లవ్ జర్నీ’ పేరుతో విడుదలవుతోన్న సంగతి మీకు తెలుసు.

ఈ చిత్రానికి శ్రీపతి రంగస్వామి దర్శకత్వం వహించగా జక్కుల నాగేశ్వర రావు తెలుగు ప్రేక్షకులకు అందించనున్నారు. వైజాగ్లో తెలుగు వారియర్స్ మరియు చెన్నై రైనోస్ జట్ల మధ్య జరిగిన సిసిఎల్ మ్యాచ్ లో ఈ చిత్ర ఆడియో విడుదల చేసారు.

సిసిఎల్ డైరెక్టర్ శ్రీనివాస మూర్తి ఆడియో ఆవిష్కరించి మొదటి సీడీని హీరో శ్రీకాంత్ కి అందించారు. సీడీ లోగోని ఛార్మి, ప్రియమణి, లక్ష్మి రాయ్ ఆవిష్కరించారు. ఈ వేడుకలో జక్కుల నాగేశ్వర రావు, సంగీత దర్శకుడు సతీష్ చక్రవర్తి, దర్శకుడు శ్రీపతి రంగస్వామి పాల్గొన్నారు. సినిమాని కూడా ఈ నెలలోనే విడుదల చేయనున్నట్లు నిర్మాతలు తెలిపారు. మొత్తంగా పెద్ద ఎత్తున ప్రేక్షకుల హర్షధ్వానాల మధ్య ఆడియో విడుదల కార్యక్రమం జరిగిపోయింది.

          ...avnk