Posted: 02/01/2012 06:29 PM IST

               యంగ్ రెబల్ స్టార్ ప్రభాస్, తమన్నా, దీక్షాసేథ్ కలసి నటిస్తోన్న చిత్రం ‘రెబల్’. ఈ చిత్రాన్ని రాఘవ లారెన్స్ డైరెక్ట్ చేస్తున్నారు. భారీ గా తెరకెక్కిస్తోన్న ఈ చిత్రం చివరి షెడ్యూల్ ఫిబ్రవరి 15 నుంచి నిరాటంకంగా సాగుతుంది. ఇప్పటివరకూ 70 శాతం చిత్రీకరణ పూర్తయిందని చిత్ర నిర్మాతలు వెల్లడించారు.

ఎలాంటి రాజీ లేకుండా ఈ చిత్రాన్ని లారెన్స్ తెరకెక్కిస్తున్నారని నిర్మాతలు జె. భగవాన్, జె. పుల్లారావు వెల్లడించారు. ప్రభాస్ కెరీర్ లోనే ఈ సినిమా హై బడ్జెట్ చిత్రమన్నారు. హీరోయిన్లు తమన్నా, దీక్షాసేథ్ ఒకరికొకరు పోటీగాఈ సినిమాలో తమ ప్రతిభ చూపుతున్నారని దర్శకుడు రాఘవ లారెన్స్ తెలిపారు.

భారీ తారాగణం ముఖ్య పాత్రలు పోషిస్తోన్న ఈ మూవీకి సంగీతం తమన్ అందిస్తున్నారు. ఫొటోగ్రఫి : సి. రాంప్రసాద్. మాటలు : డార్లింగ్ స్వామి, ఎడిటింగ్ : మార్తాండ్ కె. వెంకటేష్. ఆర్ట్ : ప్రకాష్, ఫైట్స్ : రామ్ – లక్ష్మణ్.

...avnk