Victory Venkatesh And Prince Mahesh Babu

Posted: 02/01/2012 06:57 PM IST

seetamma_vaa_si_che విక్టరీ వెంకటేష్, ప్రిన్స్ మహేష్ బాబు కలిసి నటిస్తున్న మల్టీ స్టారర్ సినిమా 'సీతమ్మ వాకిట్లో సిరిమల్లె చెట్టు' చిత్రం తాజా షెడ్యులు షూటింగు ఈ నెల 6 నుంచి జరుగుతుంది. తమిళనాడులోని కుట్రాలం ప్రాంతంలో ఈ షెడ్యులు నిర్వహించడానికి ప్లాన్ చేశారు. వెంకటేష్, మహేష్ బాబు సహా ప్రధాన తారాగణమంతా ఈ షూటింగులో పాల్గొంటారు.

sri శ్రీకాంత్ అడ్డాల దర్శకత్వంలో దిల్ రాజు నిర్మిస్తున్న ఈ చిత్రం తొలి షెడ్యులు షూటింగు విశాఖపట్నం, హైదరాబాదులలో జరిగింది. వెంకటేష్, సమంతా తదితరులు పాల్గొన్న కొన్ని ముఖ్య సన్నివేశాలను చిత్రీకరించారు. వెంకటేష్, మహేష్ బాబు అన్నదమ్ములుగా నటిస్తున్న ఈ చిత్రంలో సమంతా, అమలాపాల్, అంజలి కథానాయికలుగా నటిస్తున్నారు. ప్రముఖ నిర్మాత దిల్ రాజు ఈ మూవీని ఎంతో ప్రతిష్టాత్మకంగా తీసుకుని నిర్మిస్తున్నారని సమాచారం.