Posted: 02/01/2012 05:58 PM IST

సిద్ధార్థ్ హీరోగా నందిని రెడ్డి డైరెక్షన్లో రాబోతున్న సినిమ షురూ కానుంది. ఈ మూవీ షూటింగ్ కు సంబంధించి ప్రారంభ పూజా కార్యక్రమాలు రేపు జరగనున్నాయి. ఈ పూజా కార్యక్రమం రామానాయుడు స్టుడియోలో జరుగుతుంది. ఈ మూవీలో సమంత హీరొయిన్ గా నటిస్తుండగా నిర్మాత బెల్లంకొండ సురేష్. కాగా, నందిని రెడ్డి గతంలో దర్శకత్వం వహించిన ‘అలా మొదలైంది’ చిత్రం తీసి విమర్శకుల ప్రశంసలు సైతం పొందింది.

సమంతా ఈ మూవీకి డేట్స్ ఇవ్వటంలో తాత్సారం చేస్తుందంటూ బెల్లంకొండ నిర్మాతల మండలిని ఆశ్రయించటం, మొన్నీమధ్యన ఆమె డేట్స్ సర్దుబాటు చేయటంతో సినిమా స్టార్ట్ కానుందని మీకు తెలియచేశాం. ఈ పరిణామాలన్నీ ఓ కొలిక్కి రావటంతో మొత్తానికి సిద్ధార్థ్ – సమంతా జోడీ కట్టేందుకు మార్గం సుగమం అయింది. సమంతా ఈ మూవీలో కుర్రకారు గుండెల్లో అలజడి రేపుతుందని సమాచారం.

రేపు జరుగబోయే ఈ పూజా కార్యక్రమానికి విక్టరీ వెంకటేష్, వివి వినాయక్ ముఖ్య అతిదులుగా రానున్నారు. యూత్ అండ్ రొమాంటిక్ ఎంటర్టైనర్ గా తెరకెక్కనున్న ఈ చిత్రానికి తమన్ సంగీతం అందిస్తున్నారు.

...avnk