Posted: 01/31/2012 07:10 PM IST

ఎలాంటి కార్యక్రమాలకైనా సాధ్యమైనంత దూరం గా ఉండే పవన్ కళ్యాణ్ ఓ వేడుక కు రాబోతున్నారు. అదే ఫంక్షన్ అని ఆత్రుతగా ఉందా.. నితిన్ హీరోగా నటిస్తోన్న ‘ఇష్క్’ మూవీ ఆడియో వేడుకకి పవర్ స్టార్ పవన్ కళ్యాణ్ ముఖ్య అతిదిగా రాబోతున్నారు. నితిన్ స్వయంగా గబ్బర్ సింగ్ షూటింగ్ స్పాట్ కి వెళ్లి పవన్ కళ్యాణ్ ని ఆడియో వేడుకకి రమ్మని ఆహ్వానించారు.

దాసరి నారాయణ రావు మరియు ఎస్ఎస్ రాజమౌళి కూడా ఈ వేడుకకి రాబోతున్నారని తెలుస్తోంది. డైరెక్టర్ విక్రమ్ కుమార్ ఈ చిత్రాన్ని అర్బన్ లవ్ స్టొరీ గా తెరకెక్కిస్తున్నారు. ఇటీవలే కేరళ మరియు కులుమనాలిలో షూటింగ్ జరుపుకున్న ఈ చిత్రం ఫిబ్రవరి నెలాఖరులో విడుదలకు సిద్ధమవుతుంది.

నితిన్ మరియు నిత్య మీనన్ జంటగా నటిస్తున్న ఈ రొమాంటిక్ ఫ్యామిలీ ఎంటర్టైనర్ కు అనూప్ రూబెన్స్ సంగీతం అందించగా పిసి శ్రీరామ్ సినిమాటోగ్రఫీ అందిస్తున్నారు. శ్రేష్ఠ మూవీస్ బ్యానర్ పై విక్రమ్ గౌడ్ నిర్మిస్తున్నారు. ఇష్క్ చిత్రం హై టెక్నికల్ వాల్యూస్ తో రూపుదిద్దుకుంటుంది ఈ ఆడియో ఫిబ్రవరి 2న విడుదల కానుంది.

...avnk