ధనాదాయంలో అంతగా లోపం రాదు కానీ... రాజకీయాల్లో వున్నవారికి, సినీరంగాలలో వున్న వారికి, వ్యక్తిగతంగా, వృత్తిపరంగా నిరాశే మిగులుతుంది. అన్ని రంగాలవారు చాలా కష్టం మీద తమ వ్యాపారాలను, కార్యక్రమాలను కొనసాగిస్తారు.

జీవితంలో ఊహించని మార్పులు సంభవిస్తాయి. నమ్మినవారు సులభంగా నమ్మకద్రోహం చేసి వెళ్లిపోతారు. వాళ్లవల్ల అనేక సమస్యలు ఎదురవుతాయి. ధన నష్టం, ధన వ్యయం ఎక్కువగా అవుతుంది.

వీరు ఇతరులను కూడా తమ కుటుంబ సభ్యల లెక్కలో చూస్తుంటారు. ఇది కుటుంబ సభ్యుల కోపానికి దారితీస్తుంది. మానసిక అశాంతితో నిత్యం దు:ఖంలో వుంటారు. ఇళ్లలో గొడవలు, అశాంతి వాతావరణం నెలకొంటుంది. ఆరోగ్యపరమైన సమస్యలు తలెత్తడంతో.. ధనవ్యయం ఎక్కువగా వెచ్చించాల్సి వస్తుంది. 

కోర్టుకు సంబంధించిన సమస్యలు, ఉన్నతాధికారులతో గొడవలు, పోలీస్ స్టేషన్ లలో నిత్యం తగాదాలు జీవితంలో ఊహించని మలుపులకు దారితీస్తుంది. 

మిధునరాశి వారు అప్పుడప్పుడు అనారోగ్య సమస్యలు ఎదుర్కొంటూనే ఉంటారు. కుజుడి ప్రభావంవల్ల రక్తపోటు, వైద్య చికిత్సలు, వృత్తిలో మార్పులు సంభవిస్తాయి. గృహం, బయటా వివాదాలు పెరగడంతో శారీరకంగా, మానసికంగా ఒత్తిడికి గురవుతారు.