నేచురల్ రెమెడీస్’తో మొటిమల నివారణ

Posted: 12/06/2014 04:39 PM IST

సాధారణంగా ప్రతిఒక్కరికి మొటిమలు రావడం సహజం. వాటిని తొలగించుకునేందుకు ఎన్నోరకాల క్రీములు మార్కెట్’లో లభ్యమవుతాయి. అయితే వాటితో కొన్ని చర్మసమస్యలు ఏర్పడే అవకాశాలు వున్నాయి. పైగా ఆ క్రీములతో అంత త్వరగా మొటిమలు నివారింపబడవు. ఎన్నో జాగ్రత్తలు పాటించాల్సి వస్తుంది. అలాకాకుండా నేచురల్’గా వాటిని శాశ్వతంగా తగ్గించుకోవడానికి కొన్ని రెమెడీస్ అందుబాటులో వున్నాయి. వాటిని సమయానుకూలంగా పాటిస్తే... త్వరగా మొటిమలు మాయమవడంతోపాటు కాంతివంతమైన సౌందర్యాన్ని సొంతం చేసుకోవచ్చు. మరి అవేమిటో ఒకసారి తెలుసుకుందాం...

1. లవంగాలు : సొంటి, లవంగాలను నీటితో బాగా నూరి లేపనం తయారుచేసుకోవాలి. ఈ మిశ్రమాన్ని మొటిమలు వున్న చోట రెగ్యులర్’గా రాసుకుంటే.. త్వరలోనే అవి తగ్గుతాయి.

2. ముల్తాని మట్టి : ఈ మట్టిలో రోజ్ వాటర్’ను కలిపి ఒక ప్యాక్’లా చేసుకోవాలి. దీనిని ముఖానికి నిత్యం వేసుకుంటే త్వరలోనే మంచి ఫలితం కనిపిస్తుంది.

3. జాజికాయ : ఈ కాయను నీటితో అరగదీసి.. ఆ లేపనాన్ని ముఖానికి రాసుకోవాలి. రోజూ ఇలా చేస్తే.. మంచి ఫలితం దక్కుతుంది.

4. ఉల్లిపాయ : ఉల్లి గడ్డను సగానికి కోసి ఆ ముక్కను మొటిమలపై బాగా రుద్దుకోవాలి. ఇలా చేసిన కొద్దిసేపటి తర్వాత గోరువెచ్చని నీటితో శుభ్రం చేసుకోవాలి.

5. బియ్యం : బియ్యం కడిగిన నీటిని ముఖంపై వున్న మొటిమలపై మృదువుగా రుద్దాలి.

6. ఐస్ క్యూబ్ : ఒకవేళ మొటిమ చితికినట్లయితే.. దానిమీద ఐస్’క్యూబ్ ఉంచి సుతిమెత్తగా రుద్దితే మంచిది. అలా చేస్తే.. అందులో ఉన్న రసి అంతా వచ్చేస్తుంది.

7. ఫేస్ వాష్ : బయటినుంచి ఇంట్లోకి వచ్చిన వెంటనే ఫేస్’వాష్ చేసుకోవడం మంచిది. అలా చేస్తే.. ముఖంపై పడిన దుమ్ము చర్మరంధ్రాల్లో చేరకుండా శుభ్రంగా వుంటుంది.

8. వేప ఆకు : ఈ ఆకులను నీళ్ళలో బాగా ఉడికించి, ఆ నీటిని బకెట్ చల్లని నీళ్ళలో కలుపుకుని స్నానం చేస్తే ఎంతో మంచిది. ఇలా చేయడంవల్ల మొటిమలతోబాటు చర్మవ్యాధులు కూడా తగ్గుతాయి.

9. పసుపు : కస్తూరి పసుపును నిమ్మరసంతో కలిపి.. ఆ మిశ్రమాన్ని ముఖంపై రాస్తే మొటిమలు తగ్గుతాయి. చిటికెడు పసుపు ముఖానికి రాసి, కొద్దిసేపటి తర్వాత ముఖం కడుక్కోవడం ద్వారా మొటిమలను తగ్గించుకోవచ్చు.

10.  పుదీనా : ఈ ఆకులను ముఖంపై పరచి వుంచి, పావుగంట తర్వాత తీసి చల్లటి నీళ్ళతో కడుక్కోవాలి.