లిప్ స్టిక్ లను వాడితే ప్రమాదమే!

Posted: 02/21/2014 01:18 PM IST

సాధారణంగా అమ్మాయిలు అందంగా కనిపించడానికి రకరకాలైన ఫెయిర్ నెస్ క్రీములు, లిప్ స్టిక్ లు, తదితర మేకప్ కిట్ లను ఎక్కువగా ఉపయోగిస్తారు. కానీ వాటివల్ల వచ్చే నష్టాలను గ్రహించలేకపోతున్నారు. ఇటువంటి ఫెయిర్ నెస్, లిప్ స్టిక్ లలో అధిక మొత్తంలో ఫాస్పరస్, హానికరమైన నికెల్ వంటి లోహాలు వున్నాయని ఒక స్టడీలో తేలింది. ఢిల్లీ, కోల్‌కతాలలోని సెంటర్ ఫర్ సైన్స్ అండ్ ఎన్విరాన్‌మెంట్ సంస్థలు తమ నివేదికలో ఈ విధంగా వెల్లడించారు. అంతేకాకుండా.. ఇందులో క్యాన్సర్ కుడా కారకమయ్యే క్రోమియం కూడా అధిక మొత్తంలో వుందని వారు చెబుతున్నారు.

నిబంధనల ప్రకారం సౌందర్య సాధనాల్లో పాదరసాన్ని వినియోగించడం నిషిద్ధం. ఎందుకంటే ఇవి కిడ్నీలను దెబ్బతీసే అవకాశం వుంది. అంతేకాదు.. శరీరంపై దద్దర్లు రావడం, చర్మం రంగు మారిపోవడం, చర్మం మీద మచ్చలు ఏర్పడడం వంటివి జరుగుతాయని వారు తేల్చి చెబుతున్నారు. అమ్మాయిలు వీటిని నిరంతరం వాడటం వల్ల వారి ప్రాణానికే ప్రమాదం వుందని హెచ్చరిస్తున్నారు. అమ్మాయిలు వీలైనంతవరకు తక్కువ మోతాదులోనే వీటిని సేకరించడం (వేసుకోవడం) మంచిదంటున్నారు నిపుణులు.

లిప్ స్టిక్ లలో వుండే భారలోహాలు పెదాలకు దెబ్బతీయడమే కాకుండా.. అవి శరీరంలో వుండే జీవక్రియలకు ఇబ్బందులు పెట్టే అవకాశం వుందని పేర్కొంటున్నారు. మొహంపై ఎక్కువ ఫెయిర్ నెస్ క్రీములు వాడటం వల్ల చర్మం పొడిగా తయారవడమే కాక... వారి ఆకృతిని పూర్తిగా మార్చేస్తుందని అంటున్నారు. అలాగే చర్మనిపుణులైన డాక్టర్ల దగ్గర వీటికి సంబంధించిన నిబంధనలను తీసుకొని, పాటించమని వారు సూచిస్తున్నారు.