చుండ్రును తగ్గించుకునే చిట్కాలు

Posted: 02/22/2014 09:55 AM IST

మహిళలు అందంగా కనిపించడానికి తమవంతు పాత్రను పోషిస్తాయి. కానీ వీటిని అలంకరించడంలో చాలా జాగ్రత్తలు వహించాల్సి వస్తుంది. ముఖ్యంగా మహిళలకు చుండ్రు సమస్య విపరీతంగా వేధిస్తూ వుంటుంది. ఈ చుండ్రు వల్ల అనేక సమస్యలను ఎదుర్కోవాల్సి వస్తుంది. మన పరిసర ప్రాంతాల ప్రభావాల వల్ల జుట్టులో చుండ్రు ఏర్పడటం సహజం. వీటివల్ల జుట్టు రాలిపోవడం, తలపై దురద పుట్టడం జరుగుతుంది. ఇటువంటి చుండ్రును అరికట్టడానికి కొన్ని ముఖ్యమైన చిట్కాలను పాటిస్తే.. ఇది మన దరిదాపులకు కూడా రాదు. అవి... 

1. కుంకుడుకాయ లేదా సీకాకాయతో వారంలో రెండుసార్లు తలస్నానం చేయాలి. 

2. కొబ్బరి నూనెలో నిమ్మరసం కలుపుకొని, దానిని కుదుళ్లకు బాగా పట్టించాలి. పట్టించిన గంట తర్వాత స్నానం చేయాలి. 

3. గసగసలాను మెత్తగా పేస్ట్ లా చేసుకుని, తలకు బాగా పట్టించాలి. గంట తర్వాత గోరువెచ్చని నీటితో స్నానం చేయాలి. 

4. ఒక కప్పు వేడి నీటిలో నిమ్మరసం పిండి తలకు పట్టించి, తలస్నానం చేయాలి. 

5. మందార ఆకులను వేడి నూనెలో కలిపి తలకు రాసుకోవాలి. 

6. ఒక కప్పులో కోడిగుడ్డ సొనవేసి అందులో రెండు టేబుల్ స్పూన్ షాంపూ వేసి కలిపి తలస్నానం చేసుకోవాలి. 

7. కొబ్బరి నీళ్లలో నిమ్మరసం కలుపుకుని తాగితే చుంద్రుబారి నుండి బయటపడవచ్చు. 

8. పారిజాతం గింజల్ని బాగా నూరి పొడిగా చేసి, నూనెలో కలిపి తలకు పట్టించుకోవాలి. ఆ తర్వాత తలస్నానం చేస్తే మంచి ఫలితాన్ని పొందవచ్చు. 

9. తలస్నానం చేసే ముందు జుట్టుకు పెరుగుపెట్టుకుని అరగంట తర్వాత స్నానం చేస్తే చుండ్రు చాలావరకు తగ్గే అవకాశం వుంది. 

10. హెర్బల్ ఆయిల్ మసాజ్ చేసుకోవడం ద్వారా జుట్టును నివారించుకోవచ్చు.