జగన్ కోరికపై జలీల్ ఖాన్ మాట

Posted: 07/10/2017 04:33 PM IST

ప్లీనరీలో పదే పదే సీఎం అవుతాననే తప్ప, ఎక్కడా ప్రజా సేవ చేస్తానని వైఎస్సార్ కాంగ్రెస్ పార్టీ అధినేత జ‌గన్మోహ‌న్ రెడ్డి చెప్పలేదని అంటున్నాడు టీడీపీ ఎమ్మెల్యే జలీల్ ఖాన్. క్రిమినల్ చరిత్ర ఉన్న జగన్ నాయకుడు కాలేడని, కానీ, ఖ‌ల్ నాయక్ మాత్రం అవుతాడని ఎద్దేవా చేశాడు. రాష్ట్రానికి ముఖ్య‌మంత్రి కావాల‌న్న కోరిక జ‌గ‌న్ లో ఎంత‌గానో ఉంద‌ని అన్నారు. 30 ఏళ్లు సీఎంగా ఉంటాన‌ని చెప్పుకోవటమే అందుకు నిదర్శనమని తెలిపాడు.

మంచి నాయ‌కుడు ఎవ‌ర‌యినా సరే ప్ర‌జాసేవ చేస్తాన‌ని అంటార‌ని, కానీ జ‌గ‌న్ మాత్రం సీఎం అవుతాన‌ని మాత్ర‌మే చెప్పుకుంటున్నార‌ని ఆయ‌న విమ‌ర్శించాడు. వైఎస్ చ‌నిపోయిన తీరువాత భౌతిక కాయాన్ని బ‌య‌ట‌కు తీసుకురాక‌ముందుకే జ‌గ‌న్‌ సంత‌కాలు చేయించుకున్నారని సీఎం కావాల‌న్న కోరిక జ‌గ‌న్‌కి అంత‌గా ఉందో తెలిసిపోతుందనన్నాడు. వక్ఫ్ బోర్డు బాధ్యతలు అప్పగించిన తర్వాత జలీల్ ఖాన్ ఇలా మీడియాతో మాట్లాడాడు.

బడ్జెట్ కూడా సరిపోదు... జేపీ

వైఎస్సార్ కాంగ్రెస్ పార్టీ ప్లీన‌రీలో ఆ పార్టీ అధ్య‌క్షుడు జ‌గ‌న్మోహ‌న్ రెడ్డి మాట్లాడుతూ తాను సీఎం అయ్యాక చేసే 9 ప‌నుల‌పై హామీ ఇచ్చిన విష‌యం తెలిసిందే. జ‌గ‌న్ ఇచ్చిన హామీల‌పై టీడీపీ ఎంపీ జేసీ దివాక‌ర్ రెడ్డి మండిప‌డ్డారు. జ‌గ‌న్ ఇచ్చిన హామీలు నెర‌వేర్చ‌డానికి రాష్ట్ర బ‌డ్జెట్ కూడా స‌రిపోదని ఎద్దేవా చేశాడు. అమరావ‌తిలో ఈ రోజు ఆంధ్ర‌ప్ర‌దేశ్ ముఖ్య‌మంత్రి చంద్ర‌బాబు నాయుడి అధ్య‌క్ష‌త‌న టీడీపీ పార్ల‌మెంట‌రీ స‌మావేశం జ‌రిగింది. అనంత‌రం ఈ స‌మావేశంలో పాల్గొన్న ఎంపీ జేసీ దివాక‌ర్ రెడ్డి మీడియాతో మాట్లాడుతూ... సీఎం పీఠ‌మెక్కాల‌న్న‌దే జ‌గ‌న్ ధ్యేయమ‌న్నాడు. అందుకోస‌మే ఆయ‌న ఇటువంటి వ్యాఖ్య‌లు చేస్తున్నార‌ని వ్యాఖ్యానించాడు.

నియోజ‌క వ‌ర్గాల పెంపుపై ఈ పార్ల‌మెంట్ స‌మావేశాల్లోనే స్పష్ట‌త వ‌స్తుంద‌ని ఆయ‌న తెలిపారు. అలా విశాఖ‌ప‌ట్నానికి రైల్వే జోన్ వ్య‌వ‌హారంపై కేంద్ర ప్ర‌భుత్వంపై ఒత్తిడి తేవాల‌ని చంద్ర‌బాబు నాయుడు సూచించారని అన్నారు. ఈ సారి పార్ల‌మెంటు స‌మావేశాల్లో విశాఖ‌ప‌ట్నానికి రైల్వే జోనుపై గ‌ట్టిగా పోరాడ‌తామ‌ని స్పష్టం చేశాడు.