అనుభవం లేని రోజా విమర్శలు చేసేది?

Posted: 07/05/2017 06:26 PM IST

వైఎస్సార్సీపీ ఎమ్మెల్యే రోజా చేసే వ్యాఖ్యల్లో నస తప్ప, పస ఉండదని ఏపీ మంత్రి ఆదినారాయణరెడ్డి విమర్శించారు. రోజూ రోజాకు టీవీలో కనిపించాలనే ఉద్దేశ్యం తప్ప, తప్పుడు వ్యాఖ్యలు చేయడానికి వేరే కారణం ఏం లేదని చెబుతున్నాడు.

రాజకీయాలకు కొత్త కాబట్టి ఆమె చాలా విషయాలు తెలుసుకుని మాట్లాడాలని హితవు పలికారు. నంద్యాల ఉపఎన్నికలో టీడీపీ విజయం ఖాయమని ఈ సందర్భంగా ఆయన దీమా వ్యక్తం చేశారు. హెరిటేజ్ వ్యాన్ లో ఎర్రచందనం తరలిస్తున్నారంటూ వైఎస్సార్సీపీ నేతల ఆరోపణల్లో ఎటువంటి వాస్తవం లేదని అన్నారు. ఒకవేళ, హెరిటేజ్ వ్యాన్ లో ఎర్రచందనం తరలిస్తే కనుక, పోలీసులతో మేనేజ్ చేయలేమా? అని ఆయన ప్రశ్నించారు. ఎర్రచందనం దుంగలు తరలిస్తున్న వ్యాన్ ‘హెరిటేజ్’ ది కాదని పోలీసులు తేల్చిన విషయాన్ని ఈ సందర్భంగా ఆదినారాయణరెడ్డి ప్రస్తావించారు.

జవహార్ లిక్కర్ వ్యాఖ్యలపై మరీ రాద్ధాంతం చేయాల్సిన అవసరం లేదని, అనవసరంగా ప్రతిపక్షాలు విమర్శలు చేస్తున్నాయని ఆయన మండిపడ్డాడు. బీర్ హెల్త్ డ్రింక్ అంటూ ఎక్సైజ్ మంత్రి జవహార్ మొన్న ఓ జాతీయ మీడియాతో వ్యాఖ్యానించిన విషయం తెలిసిందే. ఆపై సీఎం చంద్రబాబు చేత ఆయన క్లాస్ పీకించుకున్నారన్న ఓ టాక్ వినిపిస్తోంది.