ప్రస్తుతానికి నాకు రిటైర్మెంట్ ఆలోచన లేదు

Posted: 09/04/2013 09:11 AM IST

మాస్టర్ బ్లాస్టర్ సచిన్ టెండూల్కర్ నవంబర్ లో తాను ఆడబోతున్న 200వ టెస్టు తరువాత అంతర్జాతీయ క్రికెట్ కి వీడ్కోలు పలకపోబోతున్నాడని, సచిన్ కోసమే స్వదేశంలో నవంబర్ లో విండీస్ తో  టెస్టు సిరీస్ షెడ్యూలు చేశారని, దాని తరువాత సచిన్ క్రికెట్ కి గుడ్ బై చెప్పబోతున్నాడని వార్తలు వచ్చిన విషయం తెలిసిందే. ఈ వార్తల పై స్పందించిన సచిన్ నేను ఆడబోతున్నా చారిత్రాత్మక 200 టెస్టు తరువాత క్రికెట్ కి గుడ్ బై చెప్పనని, ప్రస్తుతం తనకు రిటైరయ్యే ఆలోచన లేదని, దాని గురించే ఆలోచించడం లేదని,  నాకు లేని తొందర మీకెందుకు అని, నా కెరియర్ లో నేను దేనికి తొందర పడలేదని, ఓ ప్రణాళిక ప్రకారం సాగుతున్నప్పుడు ముందుకు దూక రాదని, నా కెరీర్ ప్రారంభం నుంచీ ఇదే పద్ధతి పాటిస్తూ వస్తున్నానని చెప్పుకొచ్చాడు. ఇక నన్ను అందరు క్రికెట్ దేవుడని అంటున్నారు... కానీ నేను దేవుడ్ని కాదని, దేవుని ఆశీస్సుల వల్లే క్రికెట్ ఆడుతున్నానని, ఇంత ఘనత కీర్తి సాధించడానికి ఆ భగవంతుడే కారణం అని, అందుకు ఆయనకు కృతజ్ఞతలు అని చెప్పాడు. చిన్నప్పటి నుండి సాధా సీదాగా ఉండటానికే ఇష్టపడే సచిన్... తన జీవితాన్ని కూడా చాలా సాదాసీదాగా ఉండేటట్లు చూసుకుంటానని చెప్పుకొచ్చాడు. అయినా ఆయన ఆడలేననుకున్నప్పుడు తానే రిటైర్మెంట్ ప్రకటిస్తాడు... ఫాంలో లేకపోతే సెలక్టర్లు జట్టు నుండి తప్పిస్తారు. కానీ రిటైర్మెంట్ పై ఆయనకు లేని తొందర ఇలాంటి వార్తలు పుట్టించే వారికే ఎక్కువగా ఉందని అంటున్నారు.