రాజకీయాల్లో అడుగుపెడుతున్న సొట్టబుగ్గల చిన్నది?

Posted: 04/15/2013 12:41 PM IST

ఇటీవల కాలంలో  రాజకీయాల్లోకి  సినీ నటుల తాకిడి  పెరిగిపోయింది. చిన్న నటుడు దగ్గర నుండి బడా నటుడు వరకు రాజకీయం వైపు అడుగులు వేస్తున్నారు. అయితే ఇలా కొద్ది కాలమే అంటున్నారు  సీనియర్ రాజకీయ నాయకులు. అసలు సినీ నటులు రాజకీయల్లో ఏమి ఆశించి వస్తున్నారో ఎవరికి అర్థం కావటంలేదు. వెండితెర పై ఒక వెలుగు వెలిగి, ఆ తర్వాత క్రికెట్ మైదానంలో  ముద్దులతో ముంచెత్తిన బాలీవుడ్ నటి,  సొట్ట బుగ్గల చిన్నది. ఈ సారి  రూటు మార్చింది. అయితే   ఈ తార  స్టేడియాన్ని  వదిలిపెట్టి, త్వరలో రాజకీయాల్లో కలిసిపోతుంది.  సినిమా నటులు ఇప్పటికే  అనేక మంది  రాజకీయ తెరపై కనిపించారు. ఒకపక్క  సినిమాలు,  మరో పక్క రాజకీయలో  బీజిగా ఉన్న నాయకులు చాలా మంది ఉన్నారు. తమిళనాడులో ఎంజీఆర్‌, ఆంధ్రనాట ఎన్టీఆర్‌ మొదలుకుని చిరంజీవివరకూ ఎందరో కళాకారులు రాజకీయ అరంగేట్రం చేసారు. అలాగే, తెరనాయికలుగా విశే షంగా పేరు ప్రఖ్యాతుల్ని సంపాదించుకున్న వైజయంతిమాల నుంచి జయసుధ, జయప్రద వరకూ రాజకీ యాల్లో రాణించినవాళ్లు. తాజాగా బాలీవుడ్‌ నటి ప్రీతిజింటా తనూ రాజకీయాల్లోకి వచ్చేందుకు సుముఖంగా ఉన్నట్లు ప్రకటించింది. ఇటీవలే ఢిల్లీలో యంగ్‌ విమెన్స్‌ అచీవర్‌ అవార్డును అందుకున్న ఈ నటి ప్రస్తుత రాజ కీయాల్ని కడిగిపారేసింది. పార్లమెంట్‌లో నేతలు ప్రవర్తిస్తున్న తీరుతెన్నుల్ని ఎండగట్టింది. తాను రాజకీయాల్లోకి రావడానికి అసలు కారణం...కొత్తగా పేరు, ప్రఖ్యాతులు, అధికారం కోసం కాదని ఆమె చెప్తోంది. ఇప్పటికన్నా భిన్నమైన నాయకత్వాన్ని చూపించాలన్న ఆశతో రాజకీయాల్లోకి అడుగుపెట్టాలనుకుంటున్నట్లు చెప్పింది. ప్రజలు అభిమానిస్తున్నారు...నన్నూ రాజకీయాల్లో చూడాలనుకుంటున్నారని ఆమె చెప్పింది. భిన్నమైన నేతలెలా ఉంటారో చూపించాలని తపించిపోతున్న ప్రీతిని మనమూ స్వాగతించాల్సిందే. అయితే  ఇప్పటి వరకు  స్టార్ హీరోలు,  ఆటగాళ్లు వరకే  ముద్దులిచ్చిన  ఈ సొట్టబుగ్గల సుందరి  రాజకీయల్లో ఏ నాయకుడికి హగ్ లు, లిప్ప్   ముద్దులు ఇస్తోందో చూడాలని  ఆమె అభిమానులు  అంటున్నారు.  ప్రీతి ఏ రాజకీయ పార్టీలో  చేరుతుందో ఇప్పటి వరకు చెప్పలేదు గానీ, రాజకీయ నాయకులు మాత్రం ఆమె కోసం ఎదురుచూస్తున్నారు.