వాజ్‌పేయి లాంటి నేత కావాలి? కానీ మోడి మాత్రం వద్దు?

Posted: 04/15/2013 01:18 PM IST

రాజకీయాల్లో  మూడు సార్లు  హ్యాట్రిక్ విజయం సాధించిన  వ్యక్తి  ప్రపంచ  వ్యాప్తంగా  అతని పై  మక్కువ చూపిస్తుంది.  అలాంటి నాయకుడున్ని  తమ దేశాలకు రావాలని  ప్రపంచ దేశాలు  పిలుస్తున్నాయి. అయితే  అలాంటి నాయకుడు ప్రధాన మంత్రి కావాలని  ఆ పార్టీ నాయకులు భజన చేస్తున్న విషయం తెలిసిందే. అయితే  అలాంటి భజన చేసే నాయకులకు షాకిచ్చారు ముఖ్యమంత్రి. ప్రధానమంత్రి అభ్యర్థిగా గుజరాత్‌ సీఎం నరేంద్ర మోడీని బీజేపీ తెరపైకి తీసుకువస్తున్న నేపథ్యంలో ఎన్‌డీఏ ప్రధాన భాగస్వామ్య పక్షం జేడీ(యూ) ఆయనకు వ్యతిరేక స్వరాన్ని వినిపించింది. దేశానికి నాయకత్వం వహించే వ్యక్తి లౌకికవాది అయివుండాలని స్పష్టం చేసింది. రాజధర్మాన్ని అనుసరించలాని హితవుపలికింది. తమ మాటను పెడచెవిన పెడితే పరిణామాలను ఎదుర్కోవాల్సి వుంటుందని సుతిమెత్తగా హెచ్చరించింది. నరేంద్ర మోడీ పేరును ఉచ్చరించకుండానే బీహార్‌ సీఎం నితీష్‌ కుమార్‌ పలు ఆసక్తికర వ్యాఖ్యలు చేశారు. పార్టీ జాతీయ కార్యనిర్వహకవర్గ సమావేశాల చివరిరోజు నితీష్‌ సుమారు 45నిమిషాల పాటు ప్రసంగించారు. బీజేపీతో పాటు నరేంద్ర మోడీపై ఉన్న మతతత్త్వ ముద్రను జన్యుపరమైన మార్పిడు లతో నితీష్‌ పోల్చిచూపారు. అలాంటి ప్రయోగం వ్యతిరేక ఫలితాలను ఇస్తుందని పరోక్షంగా ప్రధానమంత్రి అభ్యర్థిత్వంపై హెచ్చరించారు. తమ మాటను లెక్కచేయకుండా ముందుకే వెళితే సొంతంగా ఒక నిర్ణయానికి వస్తామని స్పష్టం చేశారు. మరోవైపు తన ప్రధానమంత్రి అభ్యర్థిత్వంపై వస్తున్న ఊహాగానాలను నితీష్‌ తోసిపుచ్చారు. జాతీయ స్థాయిలో చెప్పుకోదగ్గబలం లేని పార్టీ ప్రధాని పదవిపై ఆశలు పెంచుకోవడం భ్రమే అవుతుందన్నారు. అన్ని వర్గాల ప్రజలను ఏకతాటిపై నడిపించగల నాయకుడు మాత్రమే అత్యున్న పదవికి అర్హుడన్నారు. మాజీ ప్రధాని అటల్‌ బిహారీ వాజ్‌పేయిని దీనికి సరియైన ఉదాహరణగా అభివర్ణించారు. గోద్రా అల్లర్ల తర్వాత వాజ్‌పేయి 'రాజధర్మం'పై చేసిన వ్యాఖ్యలను నితీష్‌ ఈ సందర్భంగా ప్రస్తుతించారు.

ఒక రాష్ట్రాన్ని ఏదో ఒక మార్గంలో నడపడం సులువైన పనేనని, యావత్‌ దేశానికి అదే మార్గదర్శకత్వాన్ని ఇవ్వలేమన్నారు. రాజధర్మాన్ని పాటించాలని వాజ్‌పేయి ఎప్పుడూ చెపుతుండే వారని, అలాంటి భావజాలాన్ని అనుసరించాల్సిన అవసరం బీజేపీకి ఉందన్నారు. నరేంద్ర మోడీ తరచూ చెపుతూ వస్తున్న అభివృద్ధి, సుపరిపాలన నమూనాలపై కూడా నితీష్‌ పలు వ్యాఖ్యలు చేశారు. ఒక అభివృద్ధి చెందిన రాష్ట్రం మరింత వృద్ధి చెందుతుందంటే ప్రజలు తప్పకుండా ఒప్పుకుంటారు, కానీ ఒక ప్రత్యేక రాష్ట్రం అభివృద్ధి ప్రక్రియను ఏ స్థాయి నుంచి ప్రారంభించిందో కూడా గమనించాలని పరోక్షంగా బీహార్‌ను ఉద్దేశించి పేర్కొన్నారు. ఈ సందర్భంగా సమగ్రాభివృద్ధి మంత్రాన్ని నితీష్‌ జపించారు. సమాజాన్ని విభజించి పాలించడంలేదని, అందరిని ఒక్కచోటికి తీసుకురావడానికి కట్టుబడివున్నామన్నారు. లౌకికవాదాన్ని నితీష్‌ ప్రత్యేకంగా ప్రస్తావించారు. 'రాజకీయాల్లో రాజీ ధోరణి అనేది తప్పనిసరి. దానిలో కొన్ని ప్రాథమిక సూత్రాలు కూడా ఇమిడివున్నాయి. అయితే అధికారంలోకి రావడానికి లౌకికవాదంపై మాత్రం రాజీ పడలేము. అలా ఎప్పుడూ చేయలేం కూడా.' అని వ్యాఖ్యానించారు. ఇటీవల కొన్ని వేదికలపై రాహుల్‌, మోడీ చేస్తున్న ప్రసంగాలపై కూడా నితీష్‌ విమర్శలు గుప్పించారు. అలాంటి సరికొత్త ప్రయోగాలతో ప్రజలను ప్రభావితం చేయలేరన్నారు. అలాంటి కొత్త పవనాలతో ప్రజలను ఒప్పించాలనుకున్నా అవి అన్నిసమయాల్లో ఫలితాన్నివ్వవని నితీష్‌ హితవుపలికారు.  అయిన రాజకీయల్లో  శత్రువులు ఉండటం  మాములే. కానీ  రాజకీయ శత్రువుత్వం వలన  ప్రజలకు మేలు జరగదని  సీనియర్  రాజకీయ విశ్లేషకులు అంటున్నారు. అయితే  ఒక నాయకుడు అవును అంటే, మరో నాయకుడు కాదు, వద్దు అనటం రాజకీయల్లో మాములే. ఇలాంటి సవాల్ ను మోడీ ఎలా ఎదుర్కోంటాడో చూడాలి.  నితీష్ పై మోడీ ఎలాంటి  విమర్శలు చేస్తారో చూడాలి.