Posted: 04/03/2013 04:42 PM IST

వేసవి కాలం వచ్చిందంటే పరీక్షల వరకూ పిల్లలకూ పెద్దలకూ కూడా మానసిక వత్తిడి, ఆ తర్వాత అందరికీ ఆట విడుపు. రోడ్డు, రైలు రవాణా సంస్థలు ప్రత్యేక సర్వీసులను ఎలాగూ ప్రవేశపెడతాయి. విమాన సంస్థలు కూడా వేసవికి తమ విమానసేవల కాలక్రమాలను పౌర విమానశాఖ ప్రకటించింది.

76 గమ్యస్థానాలకు చేర్చే భారతీయ విమాన సంస్థలు వారానికి 11541 సర్వీసులను నడుపుతాయని ప్రకటించారు. వాటిలో 24 కోట్ల ప్రయాణీకులు ఈ సేవలను ఉపయోగించుకోవచ్చని తెలియజేసారు. ప్రభుత్వ రంగ విమానసంస్థ ఎయిర్ ఇండియా వారానికి 1788 దేశీయ విమానసేవలను అందించనుంది.

విదేశయానానికి సంబంధించి, 27 విదేశ గమ్య స్థానాలకు ఎయిర్ ఇండియా 710 సర్వీసులను, 12 గమ్యస్థానాలకు ఎయిర్ ఇండియా ఎక్స్ ప్రెస్ 346 సర్వీసులు,

ప్రైవేటు విమానసంస్థలు అలయన్స్ ఎయిర్ 273 సర్వీసులు, జెట్ ఎయిర్ వేస్ 2802 సర్వీసులు, జెట్ లైట్ 639 సర్వీసులు, స్వైస్ జెట్ 2467 సర్వీసులు, గో ఎయిర్ 751, ఇండిగో ఎయిర్ లైన్స్ 2851 దేశీయ సర్వీసులను అందించనున్నాయి.

అలాగే ప్రైవేటు సంస్థలు విదేశ విమానయాన సర్వీసులను ఈ విధంగా అందించనున్నాయి- జెట్ ఎయిర్ వేస్ 20 దేశాలకు 708 సర్వీసులు, స్పైస్ జెట్ 162 సర్వీసులు, ఇండిగో 190 సర్వీసులను అందించటానికి సిద్ధపడ్డాయి.

ఈ సేవలన్నీ మార్చి 31 నుండే అమలులోకి వచ్చాయి.

 

-శ్రీజ