Posted: 03/02/2013 06:33 PM IST

నెల్లూరు ఎంపీ, వైఎస్ఆర్ కాంగ్రెస్ పార్టీ  నేత మేకపాటి  రాజమోహన్ రెడ్డి రాష్ట్రంలో కనిపించట లేదట.  ఆయన కోసం పోలీసులు  వెతుకుతున్నారు.  మేకపాటి రాజమోహన్  రెడ్డిని అరెస్ట్ చేయటానికి  అర్టెస్ వాటెంట్  జారీ అయింది.  పోలీసు స్టేషన్ పై  దాడి కేసులో మొదటి నిందితుడిగా ఉన్న  ఆయన కోర్టు విచారణకు గైర్హాజరవుతూ  వస్తున్నారు.   మేకపాటి 25 ఏళ్ళుగా  ఎంపీని అరెస్టు  చేయకపోవడంపై  ఉదయగిరి  జూనియర్  సివిల్  జడ్జి  కిరణ్ కుమార్  ఆగ్రహం వ్యక్తం చేశారు.  ఏప్రీల్  16లోగా ఆయనను కోర్టుకు  హాజరుపరచాలని  పోలీసులను  ఆదేశించారు.   అసలు  మేకపాటి  పోలీస్ స్టేషన్ పై దాడి ఎందుకు చేశారు? అంటే  గతంలో  నెల్లూరు జిల్లా మర్రిపాడు  మండలం  మండలం  పడమ నాయుడు పల్లెలోని  ఓ వ్యక్తిని పోలీసులు అరెస్ట్  చేసి   ప్రకాశం జిల్లా దోర్నాల  పోలీస్ స్టేషన్ లో  పెట్టారు.  తన అనుచరుడిని విడిపించుకునేందుకు 1988, డిసెంబర్ 27న  ఉదయగిరి  టీడీపీ ఎమ్మెల్యే గా ఉన్న మేకపాటి  రాజమోహన్ రెడ్డి మరో  28 మంది  పోలీసు స్టేషన్ కకు వెళ్లారు.  స్టేషన్ లో   ఉన్న కానిస్టేబుల్ పై దాడి చేసి ఫర్నిచర్ ను  పగులగొట్టి  ఆ వ్యక్తిని  తీసుకెళ్లారు.  అప్పట్లో వారిపై పోలీసులు కేసు  నమోదు చేశారు.  మొదటి నిందితుడిగా  రాజమోహన్ రెడ్డిని  పేర్కొంటూ , మరో 28 మందిపైనా కేసు నమోదు చేశారు. వాయిదాలకు హాజరైన 26 మందిపై కేసును కోర్టు కొట్టివేసింది. మిగిలిన వారిలో  ఒకరు చనిపోగా , వెంకటేశ్వర్లు రెడ్డి  కోర్డు వాయిదాలకు  తిరుగుతున్నాడు.  అయితే, మేకపాటి మాత్రం  రావడం లేదు.   ఈ కేసు విచారణకు  ఆత్మకూరు డీఎస్సీ  రాజా మహేందర్  కోర్టుకు హాజరయ్యారు.  మేకపాటిని  ఎందుకు  అరెస్ట్  చేయలేదని  జడ్జి ప్రశ్నించారు. ఎంపీ కావడంతో  ఢిల్లీలో ఉంటున్నారని డీఎస్సీ చెప్పడంతో .. నిత్యం పత్రికల్లో  కనిపిస్తున్నారు కదా.. అని జడ్జి ప్రశ్నించారు.  ఏప్రిల్  16లోగా  మేకపాటిని  కోర్టులో హాజరుపరచాలని  జడ్జి ఆదేశించారు.