Posted: 02/08/2013 12:09 PM IST

భారత మాజీ క్రికెట్ కెప్టెన్, ప్రస్తుత కాంగ్రెస్ ఎంపీ అయిన అజహరుద్దీన్ వడివడిగా యాభైవ వసంతంలోకి అడుగుపెట్టబోతున్నాడు. అయినా ఇప్పటికీ ఏమాత్రం వన్నెతగ్గకుండా గ్లామర్ మెయింటే చేయిస్తున్న ఈ అందగాడికి ఇంకా పెళ్ళి పై మోజు తీరనట్లు ఉంది. ఈ వయస్సులో కూడా ప్రేమ కలాపాలు నడుపుతున్నాడు.  మొదటిసారి హైదరాబాద్‌కు చెందిన నౌరీన్‌ను వివాహమాడాడు. ఆ తర్వాత ఆమెకు విడాకులు ఇచ్చి సినీ నటి సంగీతా బిజ్లానిని పెళ్లి చేసుకున్నాడు. అప్పట్లో వీరి ప్రేమాయణం సినీ, క్రీడావర్గాల్లో సంచలనం సృష్టించింది. అయితే ఇటీవల వీరిద్దరు దూరంగా ఉంటున్నట్లు సమాచారం.

దీంతో మనోడు మళ్ళీ  ప్రేమ కలాపాలు మొదలు పెట్టాడు. మనసు కొత్త రుచులను కోరుకుందో కానీ, ఒంటరిగా ఉండలేకపోతున్నాడో కానీ,  కొత్తగా అమెరికన్ భామతో ప్రేమ కలాపం సాగిస్తున్నట్లు సమాచారం. ఒక ఆంగ్ల పత్రిక కథనం ప్రకారం... ఢిల్లీలో స్థిరపడిన ఆ యువతి పేరు షనాన్ మేరీ తల్వార్. యోగా టీచర్‌గా పని చేస్తున్న ఈమె దేశ రాజధానిలో బ్రాండింగ్ దుస్తుల వ్యాపారం కూడా చేస్తోంది. షనాన్‌తో కలిసి అజహర్ ఇటీవల ప్యారిస్‌లో సరదాగా గడిపినట్లు కూడా చిత్రాలు వెలుగులోకి వచ్చాయి. దీంతో ఓ ఆంగ్ల పత్రిక ఈ విషయాన్ని ప్రచురించింది. అజహర్ కొన్నాళ్లు బ్యాడ్మింటన్ క్రీడాకారిణి గుత్తా జ్వాలతో కూడా కలిసి తిరిగినట్లు వార్తలు వచ్చిన విషయం తెలిసిందే. ఏది ఏమైనా యాభై ఏళ్ళలో కూడా అజహార్ మన్మథుడిలాగా అమ్మాయిలను పడగొడుతున్నాడని క్రీడా జనాలు అనుకుంటున్నారు.