ITEMVIDEOS: దసరా వేడుకల్లో ‘రావణ దహనం’: గురి తప్పింది..

Posted: 10/06/2022 01:41 PM IST

Raavan s revenge effigy shoots back at crowd after they set it on fire

ద‌స‌రా పర్వదినాన్ని రోజున త్రేతాయుగంలో శ్రీరామచంద్రుల వారు రావ‌ణున్ని సంహరించి.. లంకాధిపతిపై విజయాన్ని సాధించి.. అశోక వనంలో బంధీయై ఉన్న సీతమ్మను తనతో తీసుకుని తిరిగి తన అయోధ్యనగరమునకు పయనమైన రోజు అని మన పురాణాలు చెబుతున్నాయి. ఇక ద్వాపర యుగంలోనూ పాండవులు తమ అరణ్యవాసం పూర్తి చేసుకుని తిరిగి తమ అస్త్రశస్త్రాలను అందుకున్న రోజుగానూ చెబుతారు. దీనికి తోడు మూడు జగ్గమ్ములలేను కనకదుర్గమ్మతల్లి లోకకళ్యాణం కోసం మహిషాసురుడను రాక్షసుడ్ని వధించి రోజుగా కూడా చెబుతున్నాయి.

ఈ రోజును విజయదశమిగా మనం ఆచరిస్తూ.. దేశవ్యాప్తంగా రావణ ద‌హ‌న కార్యక్రమాన్ని జరుపుతుంటారు. దేశ‌మంతా వేడుక‌గా నిర్వ‌హించే విష‌యం తెలిసిందే. దసరా రోజు సాయంత్రం దశకంఠుడిని శ్రీరాముల వారు తన బాణంతో వధించేలా పలు రకాలుగా.. ఆకర్షనీయంగా అద్భుతంగా తీర్చిదిద్దుతారు. అలాగే నిన్నటి దసరా ఉత్సావాల్లో భాగంగా ఉత్తర్ ప్రదేశ్ లోని ముజాఫ‌ర్‌న‌గ‌ర్‌లో ఈ వేడుక అంగరంగ వైభవంగా నిర్వహించేందుకు ఏర్పాట్లు చేశారు. తీరా రావణ దహణం జరుగుతున్న క్రమంలో.. బాణాసంచా రివ‌ర్స్లో పేలింది. రావ‌ణుడి భారీ దిష్టిబొమ్మ‌కు నిప్పు అంటించిన స‌మ‌యంలో.. ఆ రావ‌ణుడు రివ‌ర్స్‌లో రాకెట్ల‌ను ఫైర్ చేశాడు.

ముజ‌ఫ‌ర్‌న‌గ‌ర్‌లోని గ‌వ‌ర్న‌ర్ కాలేజీ గ్రౌండ్‌లో జ‌రిగిన వేడుక‌లో ఈ ఘ‌ట‌న జ‌రిగింది. దీనికి సంబంధించిన వీడియో ఒకటి సోష‌ల్ మీడియాలో వైర‌ల్ అయ్యింది. రావ‌ణ ద‌హ‌నాన్ని చూసేందుకు వ‌చ్చిన జ‌నంపై ఆ రావ‌ణాసురుడి నుంచి రాకెట్లు ఎగిసిప‌డ్డాయి. దీంతో అక్క‌డ ఉన్న జ‌నం ప‌రుగులు తీశారు. భ‌ద్ర‌త కోసం వ‌చ్చిన పోలీసులు కూడా రావ‌ణాసురుడి రాకెట్ల నుంచి త‌ప్పించుకునేందుకు ప‌రుగు పెట్టారు. దీనికి తోడు బాణా సంచా కాల్చ‌డం ముగిసిన త‌ర్వాత ఓ దున్న‌పోతు జ‌నంలోకి దూసుకువ‌చ్చి హంగామా చేసింది.

मुज़फ़्फ़रनगर में अपने को जलाए जाने से क्रुद्ध रावण ने मौक़े पर मौजूद लोगों पर अग्नि-वाण चलाए pic.twitter.com/zuDmH3dKXa
— Umashankar Singh उमाशंकर सिंह (@umashankarsingh) October 5, 2022