ITEMVIDOES: మొబైల్ ఫోన్ ఇవ్వలేదని.. ఇంటినే ధ్వంసం చేసిన బాలుడు

Posted: 09/24/2022 07:04 PM IST

తమ పిల్లాడు నిత్యం మొబైల్ ఫోన్ లోనే నిమగ్నమవుతూ చదువు పట్ల శ్రద్ద చూపడం లేదని కోపగించుకున్న ఆ తల్లిదండ్రులు. వాడి నుంచి తమ మొబైల్ ఫోన్ తీసుకుని తమ వద్దే అట్టిపెట్టుకన్నారు. ఉదయం తండ్రి ఆఫీసుకు వెళ్లిన తరువాత తల్లి మొబైల్ ఫోన్ అడిగినా అమె ఇవ్వడానికి నిరాకరించారు. కాగా, కొంత సమయానికి అనుకోకుండా పనిబడటంతో తల్లి కూడా బయటకు వెళ్లింది. అంతే తనకు మొబైల్ ఫోన్ ఇవ్వకుండా తల్లిదండ్రులు ఇద్దరూ బయటకు వెళ్లారని ఆగ్రహంతో రగిలిపోయిన 15 ఏళ్ల కుర్రాడు విధ్వంసం సృష్టించాడు.

ఇంట్లోని అన్ని గదులు, వాష్ రూమ్, కిచన్, బెడ్ రూమ్, మాస్టర్ బెడ్ రూమ్, వాడ్రోబ్స్, ఇంటి అద్దాలు, టీవీలు, చిమ్నీ, ఫ్రిడ్జి ఇలా ఒకటి కాదు.. రెండు కాదు ఇంట్లోని అన్ని వస్తువులను చిధ్రం చేశాడు. మొబైల్ ఫోన్ కు అలవాటు పడితే ఇంతటి విపత్కర పరిణామాలు ఎదుర్కోవాల్సి వస్తుందని.. ఐపీఎస్ ఆఫీసర్ దీపాన్షు కాబ్రా తన ట్విట్టర్ ఖాతాలో ఈ వీడియోను అప్ లోడ్ చేశారు. అయితే బాలుడి తల్లి మాత్రం ఈ అరోపణలను తీవ్రంగా ఖండిస్తోంది. తమ బిడ్డ మానసిక సమస్యలతో బాధపడుతున్నాడని, అయితే అతని స్నేహితురాలు మాత్రం ఈ వీడియోను తీసి నెట్టింట్లో అప్ లోడ్ చేసిందని.. ఇది పూర్తిగా నమ్మకద్రోహమని అమె మండిపడుతున్నారు.

ఇదిలావుండగా, మొబైల్ అడిక్షన్ మానుకోవడానికి తల్లిదండ్రులు నేటి తరానికి అవగాహన కల్పించడం ఎంతో ముఖ్యం. పాఠశాలలోనూ భావోద్వేగాలపై మొబైల్ ఫోన్ల ప్రభావం.. ఫలితాలు, దుష్ఫరిణామాలు అనే అంశంపై చర్చలు.. మొబైల్ ఫోన్ల పర్యవసానాల నుంచి బయటపడే చర్యలపై తరగతి గదుల్లోనూ బోధన చేయాల్సిన అవసరం ఎంతైనా ఉందన్న సూచనలు పెరిగిపోతున్నాయి. మొబైల్ ఫోన్లతో ఎంత వరకు చక్కబెట్టుకునే కార్యక్రమాలను వస్తువుగానే పరిగణించాలి తప్ప.. అనవసరంగా వినియోగం చేస్తూ ఎంతటి దుష్ఫలితాలకు కారణం అవుతుందో కూడా తెలుసుకోవాలి. మొబైల్ ఫోన్లను నియంత్రించుకోవడం నేర్చుకోవడం ఎంత ముఖ్యమో దృశ్యం చూస్తే అర్థమవుతుంది..

घर पर ये तबाही 15 वर्षीय बच्चे ने मचाई क्योंकि उसकी माँ ने उसका मोबाइल फ़ोन ले लिया था. दृश्य देखकर स्पष्ट है कि माता-पिता के लिए आज की पीढ़ी को मोबाइल अडिक्शन से बचने एवं इमोशंस + एक्शन्स पर नियंत्रण रखने की सीख, परवरिश में देना कितना जरूरी है. pic.twitter.com/dAcFareSX7

— Dipanshu Kabra (@ipskabra) September 16, 2022