అణగారిన వర్గాల కోసం అందించే విద్య, వైద్యం వంటి సామాజిక ఆర్ధిక పధకాలను ఉచితాలుగా పరిగణించలేమని ఆమ్ ఆద్మీ పార్టీ (ఆప్) పేర్కొంది. ఈ అంశంలో పెండింగ్ పిటిషన్లో జోక్యం చేసుకోవాలని ఆప్ సర్వోన్నత న్యాయస్ధానాన్ని కోరింది. ఎన్నికల్లో ఉచిత హామీలను గుప్పించే రాజకీయ పార్టీలపై చర్యలు చేపట్టాలని కోరుతూ న్యాయవాది అశ్వని ఉపాధ్యాయ్ దాఖలు చేసిన పిటిషన్ను సుప్రీంకోర్టు విచారిస్తోంది. అర్హులైన అణగారిన వర్గాల ప్రజలకు వర్తింపచేసే పధకాలను తాయిలాలుగా పరిగణించలేమని ఆప్ పేర్కొంది.
కనీస సౌకర్యాలు ప్రతిఒక్కరికీ అందేలా సామ్యవాద, సంక్షేమ కార్యక్రమాలను ప్రభుత్వం అనుసరించాలని రాజ్యాంగం నిర్ధేశిస్తోందని తెలిపింది. భారత్ వంటి అసమానతలు నిండిన సమాజంలో బలహీన వర్గాల జీవితాలను మార్చే కార్యక్రమాలు, పధకాలు అత్యవసరమని ఆప్ పిటిషన్ స్పష్టం చేసింది. ఉచితాల అమలు దేశ ఆర్ధిక వ్యవస్ధపై చూపే ప్రభావంపై చర్చించేందుకు ముందు రాజకీయనాయకులు, మంత్రులు, ఎంపీలు, ఎమ్మెల్యేలకు ఏమేం ఇస్తున్నామనేది కూడా పరిగణనలోకి తీసుకోవాలని కోరింది. రాజ్యాంగం నిర్ధేశించిన విధంగా గౌరవప్రదమైన జీవితం పొందాల్సిన ప్రజల స్ధానంలో రాజకీయ, పాలక వర్గాలే ప్రభుత్వం నుంచి అత్యధికంగా లబ్ధి పొందుతున్నారని గుర్తుచేసింది.
రాష్ట్ర రాజధానుల్లో అత్యంత ఖరీదైన ప్రాంతాల్లో మంత్రులు, ఎంపీలు, ప్రభుత్వ అధికారులు ఉచితంగా ఇండ్లు పొందుతున్నారని తెలిపింది. కాగా ఉచితాలను నిరోధించేందుకు ఎలాంటి చర్యలు చేపట్టాలనేదానిపై సిఫార్సులు చేయాలని సుప్రీంకోర్టు ఓ నిపుణుల కమిటీని ఏర్పాటు చేయాలని ప్రభుత్వానికి సూచించిన సంగతి తెలిసిందే. కాగా ఈ కేసును ఈనెల 11న సుప్రీంకోర్టు విచారించనుంది. మరోవైపు పార్టీలు ఓట్లు దండుకునేందుకు ఉచితాల పేరుతో తాయిలాల సంస్కృతిని ప్రవేశపెడుతున్నాయని ప్రధాని నరేంద్ర మోదీ ఇటీవల ఆరోపించగా నాణ్యమైన విద్య, వైద్యం అందించడం ఉచితాల కిందకు రావని ఆప్ చీఫ్, ఢిల్లీ సీఎం అరవింద్ కేజ్రీవాల్ దీటుగా బదులిచ్చారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more