ITEMVIDEOS: ద‌ళితుడు నోట్లోని ఆహారాన్ని తీయించి తిన్న కాంగ్రెస్ ఎమ్మెల్యే..

Posted: 05/23/2022 04:38 PM IST

నేటి భారతీయ సమాజం మత, కులాలపై ఆధారపడి పయనాన్ని సాగిస్తోంది. ఇవే లేకపోతే దేశం మరింత ప్రగతిపధంలోకి దూసుకెళ్లేదని మైకు పట్టుకున్న ప్రతీ నాయకుడు చెప్పే విషయమే. అయితే అది అంబేద్కర్ జయంతి రోజునో.. లేద స్వాతంత్ర్య, గణతంత్ర దినోత్సవాల రోజునో అదీ కాకపోతే గాంధీజయంతి రోజునో చెబుతుంటారు. అయితే ఆ కార్యక్రమాలు ముగిసిన తరువాత తమ దారి తమదనే వెళ్లిపోతారు. ఏం చేసినా వారు చెప్పిన మాటలకు వారు కట్టబుడి ఉండరు. ఇలా దాదాపుగా అందరు నేతలు చేసేదే. అయితే ఈ నేత మాత్రం అందుకు పూర్తి భిన్నం.

కుల సమాజం అన్నది లేదని, అందరూ ఒక్కటేనని చెప్పిన ఆయన ఆ మాటకు తాను కట్టుబడి ఉంటానని చెప్పారు. వీళ్లు తక్కువ కులం. వాళ్లు అగ్రవర్ణం ఇలాంటి తేడాలతో మనకు మనమే హద్దులు ఏర్పర్చుకుని.. అందులోనే బతుకుతున్నామని.. ఇంకా ఎంతకాలం ఇలాంటి కులహద్దులని ఆయన ప్రశ్నించారు. దేశానికి స్వాతంత్ర్యం వచ్చి.. 75 ఏళ్లు కావస్తున్న తరుణంలోనూ ఇలా పయనించడం సమంజసం కాదని అన్నారు. ఎవరూ తక్కువ కాదు.. ఎక్కువ కాదు అని ఆయన ద‌ళితుడు స్వామిజీ నోట్లో పెట్టుకున్న ఆహారాన్ని తీయించి తిన్నారు. ఆయనే కర్ణాటక కాంగ్రెస్ ఎమ్మెల్యే జమీర్ అహ్మద్ ఖాన్.

#WATCH Bengaluru, Karnataka: In an attempt to set an example seemingly against caste discrimination, Congress Chamarajapete MLA BZ Zameer A Khan feeds Dalit community's Swami Narayana & then eats the same chewed food by making Narayana take it out from his mouth to feed him(22.5) pic.twitter.com/7XG0ZuyCRS

— ANI (@ANI) May 22, 2022