సోనూసూద్ ఐటీ సోదాలు: బీజేపి ‘తాలిబన్ మైండ్ సెట్’..

Posted: 09/17/2021 03:14 PM IST

ప్రముఖ బాలీవుడ్‌ నటుడు సోనుసూద్ కు చెందని ఆరు కార్యాలయాలపై దాడుల తరువాత రెండో రోజు ఆయన నివాసంపై కూడా అదాయపన్నుశాఖఅధికారులు దాడులు చేయడంపై దేశవ్యాప్తంగా హాట్ టాపిక్ గా మారింది. ఈ నేపథ్యంలో కేంద్రంలోని అధికార బీజేపి ప్రభుత్వంపై విపక్షాలు విమర్శలు సంధించాయి. కేంద్రంలోని బీజేపి ప్రభుత్వం మనసత్తత్వం తాలిబన్ మాదిరిగానే వుందని.. అందుకు ఈ ఘటనే నిదర్శనమని అమ్ అద్మీ పార్టీ (ఆప్), శివసేన పార్టీలు తీవ్ర ఆగ్రహాన్ని వ్యక్తం చేశాయి. ఇది కచ్చితంగా రాజకీయ కక్షసాధింపు చర్యల్లో భాగంగానే జరుగుతున్న దాడులని అరోపించాయి.

ప్రపంచాన్ని పట్టి పీడించిన కరోనా వైరస్ మహమ్మారి నేపథ్యంలో కేంద్ర విధించిన లాక్ డౌన్ తో వందలాది కిలోమీటర్ల దూరం నడుచుకుంటూ వెళ్తున్న వలసకూలీలల్లో బతుకుపై భరోసాను నిలిపి.. అన్నం పెట్టి ఆదరించిన.. అక్కున చేర్చుకుని వారిని స్వస్థలాలకు పంపేందుకు సోంత ఖర్చులతో బస్సులను ఏర్పాటు చేశాడు. కేంద్ర ప్రభుత్వమే కాదు రాష్ట్ర ప్రభుత్వాలు కూడా చేయని విధంగా ఆయన వలస కూలీలకు ఆపన్నహస్తం అందించి మెసయ్య అప్ మైగ్రెంట్స్ గా మారారు. దీంతో ఆయన పేరు యావత్ దేశవ్యాప్తంగా మార్మోగ్రింది. ఆయన చేసిన ధాతృత్వ కార్యక్రమాలు ఏడాదిన్నర కాలంగా ఇప్పటికీ కొనసాగుతూనే వున్నాయి.

ఈ క్రమంలో ఆయన కార్యాలయాలు, ఇళ్లపై ఆదాయపన్ను శాఖ అధికారులు దాడులు చేయడం చర్చనీయంశంగా మారింది. ఢిల్లీలోని ఆప్ స‌ర్కార్ కు బ్రాండ్ అంబ‌సిడార్ గా నియ‌మితులైనందుకు రాజ‌కీయ కక్ష సాధింపుతోనే ఈ దాడులు చేస్తున్న‌ద‌ని ఆప్ అధికార ప్ర‌తినిధి రాఘవ్ చ‌ద్దా ట్వీట్ చేశారు. గొప్ప ప‌రోప‌కారిని చూసి ప్ర‌భుత్వం అభ‌ద్ర‌తాభావానికి గుర‌వుతున్న‌ద‌ని రాఘ‌వ్ చ‌ద్దా ఆరోపించారు. క‌ష్టాల్లో ఉన్న వారిని ఆదుకోవ‌డం కూడా నేర‌మేనా? అని ఆప్ ప్ర‌శ్నించింది. కాగా ఈ పరిణామాలపై మహారాష్ట్ర అధికార పార్టీ శివసేన కూడా ఘాటుగానే స్పందించింది.

మ‌హారాష్ట్ర‌లో అధికార శివ‌సేన ఎమ్మెల్సీ మ‌నీషా క‌యాండే స్పందిస్తూ.. కేంద్ర ప్ర‌భుత్వం వైఖ‌రి.. తాలిబ‌న్ల మ‌న‌స్త‌త్వానికి చాలా ద‌గ్గ‌ర‌గా ఉందని వ్యాఖ్యానించారు. ప్ర‌జాద‌ర‌ణ పొందిన న‌టుడు సోనూసూద్ ఇంటిపై ఐటీ దాడులు జ‌రుగుతున్నాయి. ఆప్ స‌ర్కార్ రాయ‌బారిగా నియ‌మితులు కావ‌డం దీనికి కార‌ణం కావ‌చ్చు. బీజేపీయేత‌ర పార్టీల‌కు మ‌ద్ద‌తు ఇచ్చిన వారు ద‌ర్యాప్తును ఎదుర్కోవాల్సి వ‌స్తుంది. ఎన్‌ఫోర్స్‌మెంట్ డైరెక్ట‌రేట్ దాడులు కావ‌చ్చు.. ఐటీ దాడులు కావ‌చ్చు… ఇది తాలిబ‌న్ల మ‌న‌స్తత్వానికి అతి స‌మీపంలో ఉంద‌ని మ‌నీషా క‌యాండే తీవ్రస్థాయిలో ఫైర్ అయ్యారు.