ITEMVIDEOS: అర్థరాత్రి యజమాని కోసం డోర్ బెల్ కొట్టిన శునకం..

Posted: 07/06/2021 12:19 PM IST

Lost dog rings her owners doorbell after being missing for over seven hours

కుక్కలకు మనుషులకు అవినాభావ సంబంధం ఏమిటో తెలియదు కానీ.. అవి ఎంత నమ్మకంగా వుంటాయన్న విషయాన్ని చెప్పుకుంటూ పోతే రోజులు కూడా గడుస్తాయి. ఎంతో ప్రాణప్రదంగా పెంచుకునే శునకాలు.. అప్పుడప్పుడూ తప్పిపోతుంటాయి. అయితే అవి అలా తప్పిపోయినా మళ్లీ తిరిగి తమ ఇంటికి వస్తాయన్న విషయం తెలిసినా వాటి యజమానులు మాత్రం వాటి కోసం ఎదురుచూడటం మానరు. అందోళన చెందుతారు. రోడ్డుపై వుంటు వీధి కుక్కల నుంచి తమ శునకానికి ఎటువంటి ప్రమాదం వస్తుందో అని కంగారుపడతారు.

కొందరు యజమానులు మరీ ప్రేమ పెంచుకున్నవారు మాత్రం ఏకంగా పత్రికా ముఖంగా దాని ఫోటోలు పెట్టి ఈ శునకం దొరికితే చెప్పాలని ప్రకటనలు ఇస్తుంటారు. అంతేకాదు ఇలా తమ శునకాన్ని తీసుకోచ్చినవారికి బహుమతులు కూడా ఇస్తామని చెబుతుంటారు. అయితే రోజుల తరబడి తప్పిపోయిన కుక్కలు కొన్నిరోజులకు ఇంటికి చేరుకుంటాయి. పలు అగ్రదేశాలలో తప్పిపోయిన కుక్కలను వెతికి తీసుకుని వచ్చేందుకు కూడా అధికారులు ఉంటారు. అయితే, సౌత్ కరోలినాలో ఓ పెంపుడు కుక్క తప్పిపోయిన చాలారోజుల తర్వాత తనంతట తానే ఇంటికి వచ్చి ఆశ్చర్యకరంగా ఎవరైనా ఇంటికి వచ్చినప్పుడు కాలింగ్ బెల్ ఎలా కొడుతామో అలాగే కొట్టింది.

దీనికి సంబంధించిన సీసీ ఫుటేజ్ వీడియో ఇప్పుడు వైరల్ అవుతోంది.పెంపుడు జంతువులు తప్పిపోయిన చాలారోజుల తర్వాత తమ ఇళ్లకు తిరిగి వచ్చిన సంధర్భాలు చాలానే ఉన్నాయి. అయితే, ఇంటికి వచ్చి కాలింగ్ బెల్ కొట్టడం కాస్త ఆశ్చర్యకరమే. దాదాపుగా మనుషులు ప్రవర్తించినట్లే ప్రవర్తించిన కుక్క తీరును ఆశ్చర్యంగా చూస్తున్నారు నెటిజన్లు. 23ఏళ్ల మేరీ లైన్ అనే వ్యక్తి కుక్క యజమాని కాగా.. కొద్దిరోజుల క్రితం ఆమె పెంచుకునే కుక్క ఇంటి నుంచి తప్పిపోయింది. అప్పటినుంచి కుక్క కోసం వెతుకుతూనే ఉంది. తన ఫేస్‌బుక్‌లో కూడా కుక్కకు సంబంధించి తప్పిపోయినట్లుగా ఓ పోస్ట్ కూడా పెట్టింది.

తన 18నెలల రాజా మిస్ అయ్యిందంటూ ప్రకటన ఇచ్చింది. అంతగా వెతికినా కనిపించని కుక్క రాజా.. ఎవరి సహాయం తీసుకోకుండానే ఒకరోజు రాత్రి 3 గంటలకు లైన్ ఇంటికి రావడమే కాదు.. వాకిలి వద్ద లోపలికి వెళ్ళడానికి డోర్‌బెల్ కూడా మోగించింది. తెల్లవారుజామున 3 గంటలకు బెల్ మోగగానే అనుమానంతో సీసీటీవీలో ఎవరా? అని చూడగా.. తలుపు దగ్గర కెమెరా ముందు కుక్క కనిపించింది. ఈ ప్రాంతంలో బాణసంచా కాల్చడంతో భయపడి కుక్కు పారిపోయినట్లు చెబుతున్నారు. అయితే, డోర్ బెల్ మోగించడం ఆశ్చర్యంగా అనిపించినట్లుగా సదరు యజమాని చెప్పుకొచ్చారు. మేం ఎప్పుడూ కూడా రాజాకు డోర్‌బెల్ కొట్టడం చూపించలేదని కూడా చెప్పుకొచ్చారు.