కడప జిల్లాలో పరువు హత్య.. యువతి సజీవదహనం

Posted: 06/16/2021 11:04 AM IST

ఆంధ్రప్రదేశ్ రాష్ట్రంలో మరో పరువు హత్య సంభవించింది. తాను ప్రమించిన యువకుడినే తాను పెళ్లి చేసుకుంటానని భీష్మించిన కూతురుపై అమె కుటుంబసభ్యులే పెట్రోల్ పోసి నిప్పింటించిన ఘటన వైఎస్సార్ కడప జిల్లాలో చోటుచేసుకుంది. తాము చూసిన యువకుడినే పెళ్లి చేసుకోవాలని తల్లిదండ్రులు కోరినా.. తాను ప్రేమించిన వ్యక్తినే పెళ్లి చేసుకుంటానని కూతురు తేల్చిచెప్పడంతో.. తమ మాట వినడం లేదన్న కోసం కూతర్ని సజీవ దహనం చేసి పరువు హత్యకు పాల్పడ్డారు కుటుంబసభ్యులు. కడప జిల్లాలోని రాయచోటిలో ఈ దారుణ ఘటన చోటుచేసుకుంది.

వివరాల్లోకి వెళ్తే.. రాయచోటిలో ఓ కుటుంబం నివాసం ఉంటోంది. ఆ కుటుంబానికి చెందిన యువతి.. ఓ యువకుడిని ప్రేమించింది. ఈ విషయం తల్లదండ్రులకు తెలిసింది. యువతిని మందలించారు. ఆ యువకుడితో పెళ్లి చేసుకుంటుందని భావించిన తల్లిదండ్రులు తమ కూతురికి తమ కులానికి చెందిన వరుడ్ని వెతికే పనిలో నిమగ్నమైంది. ఈ క్రమంలో అమెకు హడావిడిగా పెళ్లి సంబంధాలు చూసి పెళ్లి చేసేందుకు ప్రయత్నించారు. వచ్చిన సంబంధాలన్నీ కూతురు చెడగొడుతున్న విషయం తెలసిని అమె తల్లిదండ్రులు ఆగ్రహానికి గురయ్యారు. కొద్ది రోజులుగా ఈ విషయంలో యువతికి అమె తల్లిదండ్రుల మధ్య ఘర్షణ చోటు చేసుకొంటోంది.

కాగా నిన్న రాత్రి కూడా మరోసారి కుటుంబసభ్యులు యువతిని తమ కులానికి చెందిన వ్యక్తిని పెళ్లి చేసుకుని సుఖంగా వుండాలని ప్రాధేయపడ్డారు. అయినా యువతి మాత్రం అందుకు నిరాకరించింది. తాను ప్రేమించిన వ్యక్తినే వివాహమాడతానని చెప్పింది. దీంతో ఆగ్రహానికి గురైన తల్లిదండ్రులు..కన్న కూతురిపై పెట్రోల్ పోసి నిప్పంటించారు. ఇందులో సోదరుడు కూడా ఉన్నాడు. మంటలకు తాళలేక యువతి కేకలు వేయడంతో సోదరి, స్థానికులు వచ్చి మంటలను ఆర్పారు. తీవ్రంగా గాయపడిన ఆ యువతిని కడప రిమ్స్ ఆసుపత్రికి తరలించారు. ఈ ఘటనపై పోలీసులు విచారిస్తున్నారు.