Radhika Kumaraswamy Questioned by CCB చీటింగ్ కేసులో నటి రాధికను ప్రశ్నించిన సీసీబీ పోలీసులు..

Actress radhika kumaraswamy questioned by ccb in an alleged cheating case

Radhika Kumaraswamy, CCB, Bengaluru Police, Cheating case, Government Job Aspirants, monetary transactions, Yuvaraj swamy, RSS worker, Movie Remunaration, Vaasthu expert, astrologer, Central Ministers, bengaluru, Karnataka, crime

Sandalwood actor Radhika Kumaraswamy appeared before the Central Crime Branch in Bengaluru after investigation officials found monetary transactions between the actor and the prime accused in a cheating case. The officials questioned her on the monetary transactions worth RS 75 lakh between her and an culprit Yuvaraj. He who posed as RSS worker and duped govt job aspirants for lakhs of rupees.

చీటింగ్ కేసులో నటి రాధికను ప్రశ్నించిన సీసీబీ పోలీసులు..

Posted: 01/09/2021 12:03 PM IST
Actress radhika kumaraswamy questioned by ccb in an alleged cheating case

చీటింగ్ కేసులో నటి రాధిక కుమారస్వామి బెంగళూరు సెంట్రల్ క్రైమ్ బ్రాంచ్ (సీసీబీ) ఎదుట ప్రశ్నించారు, నిరుద్యోగులకు ప్రభుత్వ ఉద్యోగాల పేరుతో కుచ్చుటోపి పెట్టిన కేసులో ప్రధాన నిందితుడికి, రాధిక మధ్య అక్రమంగా పెద్ద ఎత్తున నగదు బదిలీ అయిందన్న ఆరోపణలపై సీసీబీ అధికారులు ఆమెను ప్రశ్నించారు. తన సోదరుడు రవిరాజ్ తో కలిసి చామరాజపేటలోని సీసీబీ కార్యాలయానికి చేరుకున్న రాధికను అధికారులు వివిధ కోణాల్లో ప్రశ్నించారు. జైలులో రిమాండ్ ఖైదీగా వున్న నిందితుడితో జరిపిన లావాదేవీలతో పాటు అతడితో పరిచయం ఎలా జరిగింది..? అన్న వివరాలను సైతం పోలీసులు ఈ సందర్భంగా తెలుసుకున్నారు,

తనకు తాను ఆర్ఎస్ఎస్ కార్యకర్తగా, జోతిష్యుడిగా, వాస్తు నిఫుణిడిగా పేర్కోన్న యువరాజ్ (52) ప్రభుత్వ ఉద్యోగాల పేరుతో అనేక మంది నిరుద్యోగులకు కుచ్చుటోపి పెట్టి తప్పించుకు తిరుగుతున్నాడు. ఎట్టకేలకు గతేడాది డిసెంబరులో యువరాజ్ ను పోలీసులు అరెస్ట్ చేశారు. ఈ కేసును దర్యాప్తు చేస్తున్న పోలీసులు నటి రాధిక కుమారస్వామి, యువరాజ్ మధ్య రూ. 75 లక్షల లావాదేవీలు జరిగినట్టు గుర్తించారు. దీంతో ఆమెను విచారించేందుకు సమన్లు జారీ చేశారు. సీసీబీ దర్యాప్తునకు హాజరైన రాధిక అనంతరం మాట్లాడుతూ..ఓ సినిమాకు సంబంధించి తన ఖాతాలో రూ. 60 లక్షలు జమ అయినట్టు చెప్పారు.

అయితే, ఆ  సినిమా బృందంతో ఎలాంటి ముందస్తు ఒప్పందం లేకపోవడంతో ఆ డబ్బును వెనక్కి పంపించినట్టు చెప్పారు. అంతకుముందు ఆమె మీడియా సమావేశంలో మాట్లాడుతూ.. యువరాజ్ తనకు గత 17 ఏళ్లుగా తెలుసన్నారు. ఆయన తమ కుటుంబ జ్యోతిష్యుడని చెప్పారు. తన కెరియర్, జీవితం, తన తండ్రి మరణం గురించి ఆయన చెప్పినవన్నీ నిజమయ్యాయని పేర్కొన్నారు. అతడంటే తనకు ఎంతో విశ్వాసమని, గతేడాది అతడి అరెస్ట్ విషయం తెలిసి షాకయ్యానని పేర్కొన్నారు. కాగా, గతేడాది డిసెంబరు 16న యువరాజ్ నివాసంపై దాడులు చేసిన  సీసీబీ అధికారులు రూ. 91 కోట్ల విలువైన 100 చెక్కులను స్వాధీనం చేసుకున్నారు.  

యువరాజ్ కు సొంత ప్రొడక్షన్ కంపెనీ ఉందని, ఓ చారిత్రక సినిమాలో ప్రధాన పాత్ర పోషించాలని తనను అడిగారని రాధిక తెలిపారు. తాను వెంటనే అంగీకరించానని చెప్పారు. దీంతో అడ్వాన్స్‌గా రూ. 15 లక్షలు పంపిస్తానని చెప్పి తన ఖాతాలోకి బదిలీ చేశారని వివరించారు. మిగతా సొమ్ము గురించి ప్రశ్నించగా, యువరాజ్ బావమరిది ఖాతా నుంచి మరో రూ. 60 లక్షలు తన ఖాతాకు ట్రాన్స్‌ఫర్ అయినట్టు రాధికా కుమారస్వామి వివరించారు. సినిమాకు సంబంధించిన లావాదేవీలు జరిగాయని.. అంతేకానీ మరేమీ కాదని పేర్కోన్నారు, కాగా, ఈ కేసులో ఈడీ, ఐటీ అధికారులు కూడా రాధికను ప్రశ్నించే అవకాశం ఉన్నట్టు తెలుస్తోంది.

If you enjoyed this Post, Sign up for Newsletter

(And get your daily news straight to your inbox)

Other Articles

Today on Telugu Wishesh