ప్రియుడు మోసం చేశాడని.. నటి చందన విపరీత చర్య..

Posted: 06/03/2020 08:44 PM IST

ప్రపంచవ్యాప్తంగా ఏ దేశానికి 2020 సంవత్సరం అచ్చిరాలేదు. ఇప్పటికే ఓ వైపు ప్రకృతి విలయాలు చోటుచేసుకుంటుండగా, మరోవైపు నుంచి కరోనా వైరస్ మహమ్మారి కలకలం రేపుతోంది. దీని ప్రభావం దాటికి ప్రప్రంచంతో పాటు ఆర్థిక పురోగతి. జనజీవనం కూడా స్థంభించింది. దీంతో అసలే సినిమాలు, సినిమా షూటింగ్ లు లేక చిత్రపరిశ్రమ కూడా కుదేలైంది. ఈ తరుణంలో ఓ కన్నడ నటి తీసుకున్న విపరీత చర్య మూలంగా చిత్రపరిశ్రమలో విషాధచాయలు అలుముకున్నాయి. తాను నమ్మినవాడే నట్టేట ముంచేయడంతో తన జీవితం ప్రశ్నార్థకంగా మారిందని ఆమె మానసిక దిగ్ర్భాంతికి లోనయ్యారు.

దీంతో నటి చందన విషం సేవించి ఆత్మహత్యకు పాల్పడ్డారు. బెంగళూరులోని తన నివాసంలో ఆమె ఈ దారుణానికి పాల్పడ్డారు. అయితే ఈ విపరీత నిర్ణయం తీసుకోవడానికి తన ప్రియుడు దినేష్‌ మోసమే కారణమని చెప్పింది. ఈ మేరకు తన మరణాన్ని కూడా సెల్ఫీ వీడియో తీసుకున్న నటి దానిని తన ఫ్ఱెండ్స్ కు షేర్ చేశారు. అయితే ఈ ఘటన జరిగింది 28న కానీ ఈ వీడియోను అమె స్నేహితులు చూసిందీ ఇవాళ కావడంతో ఈ ఘటన ఆలస్యంగా వెలుగులోకి వచ్చింది. నటి కావాలనే కలతో చందన బెంగళూరుకు వచ్చారు. తన స్వగ్రామమైన హసన్‌ జిల్లా బేలూరుకు చెందిన అమె.. చిన్న చిన్న పాత్రలతో సిరపెట్టుకున్నారు. చిత్రసీమతో పాటు కన్నడ బుల్లితెరలోనూ నటించారు. పలు ప్రకటనల, సినిమాల్లో చిన్నచిన్న పాత్రలు పోషించారు. ఈ క్రమంలో దినేష్ తో పరిచయం ఏర్పడింది. గత ఐదేళ్లుగా ఇద్దరూ ప్రేమించుకుంటున్నారు.

అయితే పెళ్లి చేసుకోమని అడగగా.. దినేష్‌ నిరాకరించాడు. కనీసం వారి తల్లిదండ్రులకు విషయం చెబితే.. వారైనా అండగా నిలుస్తారని ఆశించింది కానీ వారు కూడా తననే నిందింది.. అవమానం చేశారు. అంతేకాదు తిట్టి పంపించారు. దీంతో తీవ్ర మనస్తాపానికి గురైన చందన.. విషం తాగి, ఆత్మహత్యకు పాల్పడ్డింది. తన ప్రియుడు దినేష్‌ తనను మోసం చేశాడని, వివాహం చేసుకుంటానని నమ్మించి గర్భవతిని చేసి, పెళ్లికి నిరాకరిస్తున్నాడని చనిపోయే ముందు రికార్డు చేసిన చివరి వీడియోలో ఆరోపించారు. అందుకే తాను విషం తాగానని చెప్పారు. కాగా స్థానికులు ఆమెను ఆసుపత్రికి తీసుకెళ్లినా అప్పటికే అమె పరిస్థితి విషమించి మరణించింది. ఈ మేరకు పోలీసులు దినేష్‌ కుటుంబ సభ్యులపై కేసు నమోదు చేసి, దర్యాప్తు చేపట్టారు. ప్రస్తుతం దినేష్‌ పరారీలో ఉన్నాడు.