ప్రపంచవ్యాప్తంగా లక్షలాధి మంది ప్రాణాలను బలిగొంటున్న కరోనా వైరస్ మహమ్మారి జడలు అణిచేందుకు తీవ్రంగా ప్రయత్నాలు చేస్తున్న శాస్త్రవేత్తలకు ప్రముఖ ప్రవచనకర్త గరికపాటి నరసింహారాడు తనదైన శైలిలో ఓ సూచన చేశారు. మందులేని ఈ వ్యాధికి వ్యాక్సిన్ కొనుగోనేందుకు శాస్త్రవేత్తలు, వైద్య నిపుణులు తీవ్రంగా పరిశోధనలు చేస్తున్న నేపథ్యంలో గరికపాటి నరసింహారావు సూచన చేయడం విశేషం. కరోనాలాంటి వ్యాధి గురించి ‘యోగా వశిష్టం’లో చెప్పారని అందుకు సంబంధించిన వివరాలను తాజాగా ఓ ఇంటర్వ్యూలో పంచుకున్నారు.
‘‘కరోనాలాంటి వ్యాధుల గురించి ‘యోగవశిష్టం’లో ప్రమాణం ఉంది. అది 32వేల శ్లోకాల గ్రంథం. శ్రీరాముడికి వశిష్ఠుడు చేసిన బోధ. అందులో ఉత్పత్తి ప్రకరణంలో 69సర్గలో విశూచిక అనే వ్యాధి వ్యాపిస్తుందని అప్పట్లో చెప్పారు. ‘దుర్భోజన’, ‘దురారంభ:’ ‘మూర్ఖ’ ‘దుశ్చిత్యేష్టే’ అని స్పష్టంగా చెప్పబడి ఉంది. రకరకాల జంతు మాంసాలను తినడాన్ని దుర్భోజనం అంటారు. దుష్ట సంకల్పలాలు కలిగి యుద్ధాలొచ్చినప్పుడు ఎలాగైనా మనం గెలిచి తీరాలని కొందరు ఆలోచిస్తుంటారు. అలాంటి వాళ్లు జీవాయుధాలు ప్రయోగించాలనే దుష్ట సంకల్పాలు కలిగి ఉంటారు. వాళ్ల దగ్గర మొదలై, మొత్తం ప్రపంచాన్ని నాశనం చేసే అవకాశం ఉందని యోగ వశిష్టంలో కొన్ని వేల ఏళ్ల కిందట చెప్పారు’’
‘‘కొన్నిసార్లు వ్యాధి సోకినప్పుడు లక్షణాలు ఉన్నాయా లేదా? అన్నది గుర్తించడం కష్టం.. సగుణం.. విగుణం జైవజనమాసాదైషచి అని చెప్పిన యోగ వశిష్టంలో పరిష్కారం చెప్పారు. మందు, మంత్రం రెండూ ఉన్నాయి. మందుగా ఏం చెప్పారంటే..? ‘ఆతురం చెంతయేత్ చంద్రేరసాయన హృదిస్థితం అంజనా మరణంయుక్తం ముక్తం సర్వాధి విభ్రమైః’ దీనికి సంబంధించిన వ్యాధి నుంచి బయటపడాలంటే ‘చంద్రేరసాయన హృదిస్థితం’ అంటే చంద్ర సంబంధమైన వస్తువులు దీనికి మందుగా పనికొస్తాయట’’
‘‘నాకు తెలిసి, నవరత్నాల్లో ముత్యాలు చంద్రునికి సంబంధించింది. నవధాన్యాలలో ఒకటి చంద్రుడికి సంబంధించింది. ఈ చంద్ర సంబంధం పదార్థాలతో వాటి నుంచి తయారైన రసాయనాలతో దీనికి మందు దొరకవచ్చు. నేను తెలుగు భాషలో మాత్రమే పండితుడిని, వైద్యానికి సంబంధించిన విషయాలు నాకు తెలియవు. వైద్యులు, పరిశోధకులకు ఇదే నా నమస్కారం. చంద్ర సంబంధ వస్తువులతో మందు తయారు చేసే అవకాశం ఉందేమో భారతీయ తత్వ చింతనతో ఒక్కసారి ఆలోచించండి. ప్రయోగం చేయడంలో ఎలాంటి తప్పూ లేదని నా అభిప్రాయం మాత్రమే’’ అని చెప్పుకొచ్చారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more