ITEMVIDEOS: గ్రామసింహంతో తలపడిన చిరుత.. ఏం జరిగిందీ..

Posted: 12/12/2019 03:54 PM IST

దేశంలో జనాభా అంతకంతకూ పెరుగుతూ.. వన్యప్రాణులు నివసించే అడవులలోనూ యధేశ్చగా సంచరించడం వల్ల.. తమ గూడును అక్రమిస్తున్న మనుషులుండే ప్రాంతాలకు వన్యప్రాణులు వలసవస్తున్నాయి. ఇలాంటి పరిణామాలు కెమెరాలో నిక్షిప్తం కావడంతో.. అవికాస్తా నెట్టింట్లో వైరల్ అవుతున్నాయి. దేశ అర్థిక రాజధాని ముంబై నగరంలోని అంధేరీ తూర్పులో చిరుత సంచారం కలకలం రేపింది. ఈ విడియోను సిసీటీవీలకు చిక్కడంతో.. దానిని సోషల్ మీడియాలో అప్ లోడ్ చేశారు. అదికాస్తా వైరల్ అయ్యింది.

సోమవారం తెల్లవారుజామున సీప్జ్‌ మెట్రో స్టేషన్‌ సమీపంలో ఓ వీధి కుక్కపై చిరుత దాడికి పాల్పడింది. సీప్జ్‌కు ఎదురుగా ఉన్న టెలికామ్‌ పవర్‌గేట్‌ సమీపంలో ఈ ఘటన చోటుచేసుకుంది. కుక్కను కొద్ది దూరం లాక్కెళ్లిన చిరుత దానిపై దాడికి యత్నించింది. చిరుత బారి నుంచి తప్పించుకునేందుకు కుక్క తీవ్రంగా ప్రయత్నించింది. ఆ ప్రాంతంలో రక్తం కూడా చిందింది.. అయినప్పటికీ కుక్క చిరుతతో పోరాడింది. చివరకు చిరుత అక్కడి నుంచి పరిగెత్తుతుండగా.. కుక్క దాని వెంబండించింది.

అయితే చిరుత, కుక్క అక్కడి నుంచి వెళ్లిపోవడంతో ఆ తర్వాత ఏం జరిగిందనేది తెలియలేదు. కుక్కపై చిరుత దాడికి పాల్పడిన దృశ్యాలు అక్కడి సీసీటీవీ కెమెరాల్లో నమోదయ్యాయి. ప్రస్తుతం ఈ వీడియో సోషల్‌ మీడియాలో వైరల్‌గా మారింది. ఈ ఘటనపై అక్కడి పరిసరాల్లో పనిచేస్తున్న ఓ సెక్యూరిటీ గార్డు మాట్లాడుతూ.. తాను తెల్లవారు జామున 3 గంటలకు చిరుత రాకను గుర్తిచినట్టు తెలిపారు. దీంతో భయం వేసి తన క్యాబిన్‌ డోర్‌ను గట్టిగా లాక్‌ చేసుకున్నట్టు చెప్పారు. చిరుత సంచారంపై అవాజ్‌ వాయిస్‌ ఎన్జీవోకు ఫోన్‌ చేశానని చేప్పారు.

దీంతో వారు అక్కడికి చేరుకుని చిరుత దాడిలో గాయపడిన కుక్కకు ప్రాథమిక చికిత్స అందించారని తెలిపారు. ఈ ఘటనను అటవీశాఖ అధికారి సంతోష్‌ కాంక్‌ ధ్రువీకరించారు. చిరుత సంచారాన్ని గుర్తించి.. దానిని పట్టుకునేందుకు అన్ని ప్రయత్నాలు చేస్తున్నట్టు వెల్లడించారు. అంధేరీ తూర్పు ప్రాంతంలో పెట్రోలింగ్‌ కూడా నిర్వహిస్తున్నామని తెలిపారు. ప్రస్తుతం చిరుత దాడిలో గాయపడిన కుక్కకు చికిత్స అందిస్తున్నారు. కాగా, జనావాసాల్లో చిరుత సంచరించడంపై స్థానికులు భయభ్రాంతులకు గురవుతున్నారు.

This morning a dog was attacked by a leopard at seepz gate no.1, near dominoz pizza, andheri east. Got a call from security. Team awaaz attended to this call. Dog is stable now. Thank you team Awaaz Now people will ask shelter for wildlife Ha ha. Keeps on encroaching their land pic.twitter.com/dPzxp7laHf

— Madhu Chanda (@avc_201) December 9, 2019