ప్రభుత్వ సంస్థల మధ్య అనుసంధానం కొరవడి కొత్తగా రోడ్డు వేసిన వెంటనే దానిని తివ్వి.. ఆ తరువాత ఎన్నాళ్లకో కానీ పూడ్చని ఘటనలు చూస్తూనే వున్నాం. ఇలాంటి నేపథ్యంలో గతుకులు, గోతులు వున్న రోడ్లపై పోట్ట కూటి కోసం నిత్యం సంచరించే వాహనదారుడిని బాదడమే లక్ష్యం అన్నట్లుగా వుంది కొత్త వాహన చట్టం అంటూ నెటిజనులు ఎన్నో విమర్శలు చేస్తూనే వున్నారు. రోడ్లు బాగుచేసి.. ఇబ్బంది లేని ప్రయాణం సాగేట్టుచూసిన తరువాత భారీ జరిమానాలను ప్రవేశపెట్టండని కోరుతున్నా.. అటు ప్రభుత్వం కానీ ఇటు పోలీసులు కానీ ఆలకించడం లేదు.
కొత్త వాహనచట్టం అమల్లోకి రావడంతో పోలీసులు తమ పని తాము కానిచ్చేస్తున్నారు. అయితే తమిళనాడులోని తిరుపూర్ పోలీసులు మాత్రం మరో అడుగుముందుకేసీ మరీ వాహనదారులకు ఛలానాను ఎస్ఎంఎస్ ద్వారా పంపుతున్నారు. ఇందులో విశేషమేముంది అంటారా.? కారును నడిపుతున్నా హెల్మెట్ పెట్టుకోవాలని, హెల్మెల్ లేని కారణంగా కారు చోదకుడికి జరిమానా విధించారు. వినడంతోనే విస్తుపోతున్నారా.? నిజమే.. కారు నడిపినా హెల్మెల్ పెట్టుకోవాల్సిందేనట. లేదంటే జరిమానా తప్పదట. ఇది తిరుపూర్ పోలీసుల తీరు.
ఘటన పూర్వాపరాల్లోకి వెళ్తే.. తమిళనాడులోని తిరుప్పూరులోని ఎన్ఆర్కే పురానికి చెందిన ఎం సెల్వ కుమార్ స్థానికంగా ఓ బనియన్ కంపెనీలో పనిచేస్తున్నారు. ఆయన కుటుంబ సభ్యులతో కలిసి కారులో బెంగళూరు నుంచి తిరుప్పూరు వచ్చారు. ఆయన మొబైల్ కు ట్రాఫిక్ పోలీసుల నుంచి ఓ సందేశం వచ్చింది. అందులో కారు నంబరు పేర్కొంటూ.. ఈ కారు నడుపుతున్న వ్యక్తి హెల్మెట్ ధరించనందుకు జరిమానా చెల్లించాలని ఆ మెసేజ్ సారాంశం. ఇది చూసిన సెల్వకుమార్ కారు డ్రైవింగ్ కు హెల్మెట్ కు సంబంధం ఏంటో తెలియక తికమకపడ్డాడు.
కారులో వ్యక్తి హెల్మెట్ పెట్టుకోలేదని జరిమానా ఏంటంటూ నివ్వెరపోయారు. బహుశా పోలీసులు తాను కారు నడుపుతూ సీటు బెల్టు పెట్టుకోలేదని ఈ నోటీసులు జారీ చేశారా అంటే.. తాను నిత్యం బెల్టు పెట్టుకుంటానని అతను పేర్కోన్నాడు. ఇక తాను పోలీసులు పేర్కోన్న తేదీలో కారుపై ధారాపురానికి వెళ్లనేలేదని అన్నారు. ఇక బైక్ నడుపుతున్నప్పుడు చూసి ఈ మెసేజ్ పెట్టివుంటారా.? అని భావించాడానికి వీలు లేదు.. ఎందుకంటే పోలీసులు నోటీసులో పేర్కోన్న రిజిస్ట్రేషన్ నెంబరు కారుదే కానీ అతని బైక్ ది కాదు. దీంతో తనకు అనవసరంగా పోలీసులు నోటీసులు జారీ చేశారని, ఈ విషయాన్ని ట్రాఫిక్ పోలీసుల దృష్టికి తీసుకెళ్తానని సెల్వకుమార్ పేర్కొన్నారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more