ITEMVIDEOS: అద్భుతం: హారతి సమయంలో మారిన అమ్మవారి ముఖకవళికలు

Posted: 08/29/2019 11:12 AM IST

The expression on deity s face changes according to the light of the aarti

అద్భుతాల నెలవు మన దేశం. మన దేవాలయాలు అన్న చెప్పడం అతిశయోక్తి కాదు. ఎంతో ప్రాశస్తమైన దేవాలయాల్లో ఎన్నెన్నో మహిమలు కూడా వున్నాయి. ఒక్కో దేవాలచానికి ఒక్కో పురాణ ఐతిహ్యం వుంది. ఎంతో విశిష్టమైన మన దేవాలయాల్లో ఎన్నో ఎన్నెన్నో అద్భుతాలకు కూడా నెలవుగా మారాయి. ఒక్కో అద్బుతం ఒక్కో విధంగా ఉంటుంది. ఈ అద్భుతాలు తెలిసిన వారు వాటిని మిగతావారితో పంచుకుంటారు. నిజంగా అలా జరిగిందా అని వారు ఆశ్చర్యపోతుంటారు. ఇలాంటి అద్భుతమే ఒకటి హైదరాబద్ లోని దేవాలయంలో చోటుచేసుకుంది.

హైదరాబాద్ లోని మీర్ ఆలం మండిలో ఉన్న శ్రీ మహాంకాళేశ్వర స్వామి మందిరంలో దుర్గామాత ఆలయం కూడా వుంది. అందులోని దుర్గ మాతా దేవి విగ్రహం ఎంతో నిండుగా వుంటుంది. నిజం చెప్పాలంటే ఆ విగ్రహాన్ని చూస్తూ వుండిపోవాలనిపిస్తోంది. అయితే ఆమ్మవారి విగ్రహాన్ని తధేకంగా చూస్తూ వున్న ఓ భక్తుడు అక్కడ నిల్చున్నాడు. అప్పుడే హారతి సమయం ఆసన్నమవ్వడంతో పూజారి వచ్చి అమ్మవారికి హారతి ఇచ్చాడు. ఆ సమయంలో అమ్మవారి విగ్రహాన్ని చూస్తున్న భక్తుడు అమ్మవారి విగ్రహంలో మార్పులను గమనించాడు. అదేంటే హారతి జ్యోతుల వెలుగులకు అనుగూణంగా అమ్మవారి విగ్రహం ముఖకవళికలు మారిపోవడం గమనించాడు.

తన కళ్ళను తానే నమ్మలేకపోయాడు. ఏం జరిగిందో తెలుసుకోవాలని, తాను చూసింది నిజమేనా అనే సంశయంలో పడ్డాడు. మరుసటి రోజున మరలా హారతి సమాయానికి వచ్చిన భక్తుడు.. హారతి ఇచ్చే సన్నివేశాన్ని వీడియోగా తీశారు. వీడియోలో తాను చూసింది నిజమే అని నిర్ధారించుకున్నాడు. హారతిని విగ్రహం చుట్టూ తిప్పే సమయంలో అమ్మవారి ముఖం కోపంగా, శాంతంగా, చిరునవ్వు చిందిస్తున్నట్లుగా కనిపిస్తోంది. ఈ చిన్న వీడియోను సోషల్ మీడియాలో పోస్ట్ చేశాడు. ఆ వీడియో ఇప్పుడు సోషల్ మీడియాలో హల్చల్ చేస్తున్నది. దాదాపు 53 వేలమందికి పైగా వీడియోను చూశారు. మరెందుకు ఆలస్యం మీరూ ఆ వీడియోను చూసేయండీ..