చిన్నారి బ్లాక్ జాకెట్ విప్పించిన సీఎం సెక్యూరిటీ.. విచారణ

ముఖ్యమంత్రులు పాల్గోనే కార్యక్రమం అనగానే భద్రతా కారణాలు అన్ని అమల్లోకి వస్తాయి. అయితే ఇలాంటి సీఎం కార్యక్రమంలో పాల్గొనడానికి వచ్చిన ఓ చిన్నారి విషయంలో ముఖ్యమంత్రి భద్రతా సిబ్బంది కనబర్చిన అత్యుత్సాహం, మితిమీరి ప్రవర్తన వివాదానికి దారితీసింది. అసోం ముఖ్యమంత్రి సర్బానంద సోనోవాల్‌ బిశ్వనాథ్‌ జిల్లా బోర్గాంగ్ లో ఓ సిల్క్ మిల్లు నిర్మాణానికి శంకుస్థాపన చేయడానికి వచ్చారు. ఈ కార్యక్రమానికి హాజరయ్యేందుకు భారీ సంఖ్యలో ప్రజలు తరలివచ్చారు.

వీరిలో ఓ మహిళ తన మూడేళ్ల కుమారుడితో అక్కడకు చేరుకుంది. చల్లి తీవ్రంగా వున్నందున, అందులోనే అది శీతల ప్రాంత ప్రదేశం కావడంతో.. చిన్నారి నలుపు రంగు జాకెట్‌ వేయించి తీసుకువచ్చింది. అయితే అమెను సీఎం భద్రతా సిబ్బంది సోనోవాల్ కార్యక్రమానికి అనుమతించలేదు. ఆ చిన్నారి వేసుకున్న నలుపు రంగు జాకెట్‌ ను విప్పిన తర్వాతే పోలీసులు అమెను ముఖ్యమంత్రి కార్యాక్రమానికి అనుమతించారు.

ఆ చిన్నారి తల్లి అసహనానికి గురవుతూనే ఆ జాకెట్ విప్పారు. ఆ తర్వాత ఆ పిల్లాడు చలికి వణికిపోయాడు. ఈ తతంగాన్ని అక్కడున్న ఓ వ్యక్తి వీడియో తీసి సోషల్ మీడియాలో పోస్టు చేయడంతో వైరల్‌ అయింది. దీంతో విపక్షాలు విమర్శల వర్షం కురిపిస్తున్నాయి. అభంశుభం తెలియని మేడేళ్ల చిన్నారిని దైవంగా కొలిచే సంప్రదాయం మనది.. అలాంటి దేశంలో ఇలాంటి ఘటనలు జరగడం దురదృష్టకరమని విపక్షాలు మండిపడ్డాయి. ఈ ఘటనపై సీఎం సోనోవాల్‌ స్పందించారు. తక్షణమే విచారణ జరిపి వీలైనంత త్వరగా నివేదిక ఇవ్వాలని డీజీపీని ఆదేశించారు.

Assam CM Sarbananda Sonowal directs State DGP Kula Saikia to probe incident where a toddler was reportedly forced to open his black sweater at a function attended by the CM at Borgang in Biswanath today amid the spectre of black flag protests. pic.twitter.com/KtwmPCF8Fw

— Nandan Pratim Sharma Bordoloi