ITEMVIDEOS: ఢిఫ్యూటీ స్పీకర్ అంబారీ ఊరేగింపులో అపశృతి..

Posted: 10/08/2018 05:22 PM IST

అసోం అసెంబ్లీ స్పీకర్ కృపానాథ్‌ మల్లాహ్ కు తన సొంత నియోజకవర్గంలో చేదు అనుభవం ఎదురైంది. కరీంగంజ్ జిల్లాలోని రాతాబరి అసెంబ్లీ నియోజకవర్గం నుంచి ఎమ్మెల్యేగా ఎన్నికైన ఆయన డిఫ్యూటీ స్పీకర్ గా తొలిసారిగా ఇటీవలే బాధ్యతలు స్వీకరించారు. అసెంబ్లీ ఉపసభాపతి పదవి లభించిన తరువాత ఢిప్యూటీ స్పీకర్ హోదాలో ఆయన తొలిసారిగా తన నియోజకవర్గ ప్రజలను కలిసేందుకు వెళ్లారు. అయితే అక్కడే ఆయనకు అనుకోకుండా పరాభవం ఎదురైంది.

ఆయన ప్రమాదవశాత్తు అంబారీ నుంచి కింద పడిపోయారు. అక్టోబర్‌ 5న కృపానాథ్‌ అస్సోం అసెంబ్లీ ఉప సభాపతిగా ఎన్నికైన సందర్భంగా నియోజకవర్గంలోని ప్రజలు ఆయనకు ఘనంగా స్వాగతం పలకాలని ఏర్పాటు చేశారు. ఇందుకోసం ఏకంగా ఏనుగు అంబారీని సిద్ధం చేశారు. కృపానాథ్‌ కరీంగంజ్‌ జిల్లాలోకి రాగానే ఆయన్ని అంబారీ ఎక్కించారు. అంబారీపైకి ఎక్కిన కృపానాథ్ కు ముందు మావటి కూడా కూర్చున్నాడు. అయితే ముందుకు కదిలే సమయంలో ఢిప్యూటీ స్పీకర్ కిందపడిపోయారు.

వెంటనే అభిమానులు ఆయన లేపేందుకు పరుగులు తీశారు. ఆయనను లేపి.. కారు వద్దకు తీసుకెళ్లారు. అయితే ఏనుగు ఒక్కసారి ముందుకు వెళ్లే క్రమంలో కృఫానాథ్ పట్టుతప్పి.. మావటిని పట్టుకున్నాడు. అయితే మావటి కూడా ఢిఫ్యూటీ స్పీకర్ తో పాటు కింద జారిపడ్డారు. అయితే బరువు మోయలేక ఏనుగు ఒక్కసారిగా ముందుకు పరిగెత్తడంతో ఇలా జరిగిందని కొందరు వ్యాఖ్యానిస్తున్నారు. అయితే మావటి వెంటనే ఏనుగు బెదిరిపోకుండా దారి వద్దకు వెళ్లి నిల్చోవడంతో అంతా సవ్యంగా సాగింది. కాగా ఆ సమయంలో మీడియా వర్గాలు తీసిన వీడియో కాస్తా నెట్టింట్లో వైరల్‌ అవుతోంది.

#WATCH: Newly-elected deputy speaker of Assam assembly Kripanath Mallah falls off an elephant. He was being welcomed by his supporters in
Ratabari, his own constituency, in Karimganj district. The deputy speaker was unhurt in the incident. (06.10.2018) #Assam pic.twitter.com/2UYHkS7zvx

— ANI (@ANI) October 8, 2018