ఛలోరే ఛలోరే ఛల్.. నేటి షెడ్యూల్

Posted: 12/08/2017 09:01 AM IST

జనసేన అధినేత పవన్ కళ్యాణ్ ప్రత్యక్ష రాజకీయ కార్యాచరణ అడుగులు ఏపీ రాజకీయాల్లో సెగలు పుట్టిస్తోంది. అధికార, విపక్షాలన్నీ ఆయన ప్రశ్నలతో ఇబ్బందుల పాలవుతున్నాయి. ఛలోరే ఛలోరే ఛల్ పర్యటనతో ఒక్కసారిగా పవన్ రేపుతున్న ప్రభంజనం అంతా ఇంతా కాదు. ఇక నేటి పర్యటనలో భాగంగా గుంటూరు జిల్లా చినకాకానిలో పవన్ పర్యటించనున్నారు.

ఈ సందర్భంగా జనసేన పార్టీ కార్యాలయం ఏర్పాటు చేయనున్న స్థలాన్ని పరిశీలిస్తారు. అలాగే పార్టీ కార్యాలయం కోసం భూమి ఇచ్చిన రైతులతో పవన్ సమావేశం కానున్నారు. వారి సమస్యలను అడిగి తెలుసుకొని వాటి పరిష్కారం దిశగా స్పష్టమైన హామీ ఇవ్వనున్నారు. 

కాగా, తన పర్యటనలో భాగంగా గురువారం పోలవరం ప్రాజెక్టు నిర్మాణ పనులను పరిశీలించిన ఆయన పనులపై అసంతృప్తి వ్యక్తం చేశారు. అదే సమయంలో ప్రతిపక్ష నేత వైఎస్ జగన్ పై పరోక్షంగా ఆయన విరుచుకుపడ్డారు. ఇక అధికార పార్టీ నేతలను సైతం ఆయన వదిలిపెట్టకుండా దులిపేయటం చూస్తున్నాం.