500 ఏళ్ల క్రితం మిస్సయి... ఇప్పుడు దెయ్యంగా??

Posted: 09/22/2016 11:00 AM IST

షరా మాములే... దెయ్యాలు ఉన్నాయా లేదా? అన్న డిస్కషన్ మరోసారి తెరపైకి వచ్చింది. కాకపోతే ఈసారి టెక్నాలజీ అత్యున్నత స్థాయిలో ఉన్న యూకే లో ఓ రియల్ ఘోస్ట్ ఫోటో ఇప్పుడు సంచలనంగా మారటమే ఇందుకు కారణం. నార్ ఫోక్ లోని ఆక్స్‌బర్గ్ హాల్‌ కోటలో సుమారు 500 ఏళ్ల క్రితం తప్పిపోయిందనుకుంటున్న ఓ మహిళ దెయ్యంగా తిరుగుతోందట. అందుకు సంబంధించిన ఓ ఫోటో ఇప్పుడు నెట్లో దర్శనమిస్తోంది.

1482 నుంచి యూకే జాతీయ సంపదగా ఉన్న ఆక్స్‌బర్గ్ హాల్‌లో క్రిస్టియన్ మతపెద్దలకు ఆతిథ్యం ఇస్తూ వస్తున్నారు. ఆ కాలంలోనే సుమారు పాతికేళ్ల ఓ స్పానిష్ యువతి హఠాత్తుగా కనిపించకుండా పోయింది. మిస్సయిన సమయంలో ఆ యువతి గర్భవతిగా ఉందని, పెళ్లి కాకుండానే ఆమె గర్భవతి కావటానికి కోటలోని ఒకరు కారణమని, వారే ఆమెను చంపేసి ఉంటారని ఓ పుకారు ఉంది. అప్పటి నుంచి ఆ యువతి అక్కడ దెయ్యంగా మారి తిరుగుతుందని కథలుకథలుగా చెప్పుకుంటున్నారు.

తాజాగా 46 ఏళ్ల వయసున్న "డయానా బెరోన్" అనే మహిళ తన ఫ్యామిలీతో కోటను దర్శించేందుకు వెళ్లింది. అక్కడ తన వారిని దూరం నుంచి ఫోటో తీస్తుండగా, అందులో ఓ మహిళ కూడా పడింది. జుట్టు విరబూసుకుని, మొహం నల్ల రంగులో కనబడుతోంది. గోడకు ఆనుకుని నిలుచున్నట్లు కనిపిస్తోంది. దీంతో కోటలో దెయ్యం అనే వార్తను కన్ఫర్మ్ చేసేసుకుంటున్నారు కొందరు. ఇంకొందరైతే సుమారు 23 ఏళ్ల వయసున్న ఓ గర్భవతి యువతి తరుచూ కోట సమీపంలో కనిపించడం చూశామని, అయితే అందమైన ఆ యువతి సడన్ గా మాయమ్యేదని చెబుతున్నారు. అయితే అదంతా పుకార్లని, ఫోటో కూడా ఎడిట్ చేసిందని, పని కూడగట్టుకుని కొందరు ఆ పని చేసి ఉంటారని పలువురు సోషల్ మీడియాలో అభిప్రాయపడుతున్నారు.