ITEMVIDEOS: మొయినాబాద్లో దోపిడిదోంగల హల్ చల్.. బ్యాంకు చోరికీ విఫలయత్నం

Posted: 07/20/2016 12:15 PM IST

తెలంగాణ పోలీసులకు చైన్ స్నాచింగ్ ముఠా ఇప్పటికే సవాల్ విసురుతున్న తరుణంలో దోపిడి దొంగలు కూడా తమ ఉనికి చాటుకునేందుకు ప్రయత్నిస్తున్నారు. స్థానికుల అప్రమత్తంగా వ్యవహరించడంతో భారీ దోపిడికి పథక రచన చేసిన దోపిడీ దోంగల వ్యూహం బెడిసికొట్టింది. అటు పోలీసులకు సమాచారం ఇవ్వడంతో పాటు తామే తమ డబ్బును కాపాడుకునేందుకు స్థానికులు చేసిన ప్రయత్నాల నేపథ్యంలో దోపిడి దొంగలు తోక ముడిచి జారుకున్నారు. తమను స్థానికులెవ్వరూ వెంబడించకుండా గాల్లోకి రెండు రౌండ్ల కాల్పులు జరిపారు.

దీంతో రంగారెడ్డి జిల్లా మొయినాబాద్ మండలం అజీజ్‌నగర్‌లో గ్రామంలో బ్యాంకులోని డబ్బును స్థానికులు కాపాడుకున్నారు. వివరాల్లోకి వెళ్తే.. మొయినాబాద్లోని తెలంగాణ గ్రామీణ బ్యాంక్‌ అజీజ్నగర్ బ్రాంచిపై దోపిడీ దోంగల కన్ను పడింది. దానిని దోచుకునేందుకు వారు పథకం వేశారు. రోడ్డుపైనే వున్న ఈ బ్యాంకులో చోరి చేసి ఎంచక్కా చెక్కయ్యవచ్చని వ్యూహ రచన చేశారు. కానీ స్థానికులు అప్రమత్తంగా వ్యవహరించారు. దోపిడికి యత్నించిన దొంగలు రాత్రి ఒంటి గంటల సమయంలో తాళాలు పగలగొడుతున్న సమయంలో ఇద్దరు యువకులు వారిని ప్రశ్నించారు.

పొంతన లేని సమాధానం చెప్పిన దొంగలు యువకుల నుంచి ఎదురవుతున్న ప్రశ్నలకు సమాధానాలు చెప్పలేక అక్కడి నుంచి జారుకునే ప్రయత్నం చేశారు. వారి దోపిడి కోసమే వచ్చారన్న విషయం అర్థమైన యువకులు స్థానికుల్ని అప్రమత్తం చేసిన గ్రామ యువకులతో వారిని వెంబడించేందుకు ప్రయత్నించారు. అటు పోలీసులకు కూడా పిర్యాదు చేశారు. గ్రామస్థులు తమను వెంబడిస్తున్నారని గమనించిన దోపిడి దొంగలు వారి నుంచి తప్పించుకునేందుకు గాల్లోకి రెండు రౌండ్ల కాల్పులు జరిపారు. సమాచారం అందుకున్న పోలీసులు క్లూస్ టీం, డాగ్ స్క్వాడ్‌లతో సంఘటనా స్థలానికి చేరుకొని వివరాలు సేకరిస్తున్నారు. మాదాపూర్ డీసీపీ కార్తికేయ బుధవారం ఉదయం సంఘటనా స్థలాన్ని పరిశీలించారు. దీనిపై విచారణకు రెండు బృందాలను నియమించారు.