ITEMVIDEOS: టి సచివాలయంలో జగపతిబాబు

Posted: 04/20/2016 02:44 PM IST

తెలంగాణ సచివాలయంలోకి వచ్చిన ఓ వ్యక్తి గురించి అందరూ ఆసక్తిగా మాట్లాడుకున్నారు. ఆ వ్యక్తి ఏ పని మీద సచివాలయానికి వచ్చారో అని సచివాలయ సిబ్బంది కూడా ఆరాలు తీశారు. ఇంతకీ వచ్చిన ఆ వ్యక్తి పొలిటికల్ లీడర్ కాదు.. ఓ సినిమా స్టార్. గతంలో హీరోగా, ప్రస్తుతం విలన్ గా అదరగొడుతున్న జగపతిబాబు. ఆయన ఓ ముఖ్య కార్యక్రామానికి మంత్రిని ఆహ్వానించేందుకు సచివాలయానికి విచ్చేశారు.

ప్రముఖ తెలుగు చలన చిత్రాల నిర్మాణ సంస్థ జగపతి పిక్చర్స్ బ్యానర్ లోగోను ఈ నెల 25న పునఃప్రారంభిస్తున్నామని. ఆ కార్యక్రమానికి ముఖ్య అతిథిగా రావాలని మంత్రి కే తారకరామారావుకు సినీనటుడు జగపతిబాబు ఆహ్వానం పలికారు. ఈ మేరకు ఆహ్వాన పత్రికను స్వయంగా మంత్రి కేటీఆర్‌కు ఇచ్చేందుకు జగపతిబాబు  సచివాలయానికి వచ్చారు. అయితే మంత్రి సచివాలయంలో అందుబాటులో లేకపోవడంతో ఐటీశాఖ కార్యదర్శి జయేశ్‌రంజన్‌ను కలిసి ఆహ్వాన పత్రికను అందజేశారు.