మందు తాగితే కండోమ్ రాదు

Posted: 01/29/2016 11:09 AM IST

ఏంటీ.. అర్థం కావడం లేదా..? లండన్ లో, మరకొన్ని ప్రదేశాల్లో కండోమ్ లు అవసరమైన వారికి అందుబాటులో ఉంచేందుకు ఎటీఎం సెంటర్లలాగా.. కొన్ని మెషీన్లు ఏర్పాటు చేశారు. ఏటీఎంలలో ఎలాగైతే డబ్బులు వస్తాయో.. ఈ మెషీన్లలో కండోమ్ లు వస్తాయి. అయితే ఆ కండోమ్ లు కూడా ఫ్రీగానే తీసుకోవచ్చు. అయితే ఇక్కడ ఓ లాజిక్ ఉంది. మీరుగనక మందు తాగి ఆ మెషీన్ ముందు నిలబడి కండోమ్ కోసం వెయిట్ చేసినా కండోమ్ రాదు.. ఎందుకంటే మందు తాగిన వారికి ఆ మెషీన్ కండోమ్ ఇవ్వదు. ఇప్పటి దాకా డ్రంక్ అండ్ డ్రైవ్ గురించి భయపడ్డాం కానీ కండోమ్ కావాలంటే తాగకూడదు అని అక్కడి వాళ్లు భయపడుతున్నారు. అసలు ఆ మెషీన్ ఏంటీ..? కండోమ్ ల గోలేంటి అనుకుంటున్నారా..? అయితే మొత్తం స్టోరీ చదవండి.

లండన్ లో విరివిరగా సెక్స్ చేసే వాళ్ల కోసం కండోమ్ లను అక్కడే ఓ మెషీన్ లో ఏర్పాటు చేశారు. అయితే ఆ మెషీన్ ముందు నిలబడి... అక్కడ ఏర్పాటు చేసిన ఓ గొట్టంలో గాలి ఊదాలి. అలా గాలి ఊదిన తర్వాత మీకు ఓ కండోమ్ ప్యాకెట్ వస్తుంది. ఒకవేళ మీరు గనక తాగి ఆ మెషీన్ లో గాలి ఊదితే... మీరు తాగారు.. తాగి సెక్స్ చెయ్యడం మంచిది కాదు అంటూ చూపిస్తుంది... అంతేగానీ కండోమ్ మాత్రం రాదు. ఇలా తాగి సెక్స్ చెయ్యవద్దు అంటూ అక్కడి మెషీన్ హెచ్చరిస్తుండటం అందరికీ ఆశ్చర్యాన్ని కలిగించింది.