ITEMVIDEOS: AK47 ఎక్కుపెట్టినా.. ఆ మహిళ బతికిపోయింది!

Posted: 11/20/2015 04:19 PM IST

A woman luckily escaped from terrorist after gun jams in cafe paris attacks controversy

ఫ్రాన్స్ రాజధాని పారిస్ లో నవంబర్ 13వ తేదీ జరిగిన మారణహోమంలో ఎంతోమంది బలయ్యారు. అప్పటివరకు ప్రశాంతంగా వున్న ఆ వాతావరణం ఉగ్రవాదుల దాడితో అట్టుడికిపోయింది. ఇస్లామిక్ ఉగ్రవాదులు ఆ రోజంతా కాల్పులు జరిపి 129మంది అమాయకులను పొట్టనబెట్టుకున్నారు. అయితే.. అదే సమయంలో కొన్ని ఆసక్తికరమైన ఘటనలు వెలుగుచూశాయి. ఓ ఉగ్రవాదికి కేవలం 3 అడుగుల దూరంలో వున్న ఓ వ్యక్తి అదృష్టవశాత్తూ అతని కంటపడకుండా తప్పించుకుని ప్రాణాలతో బయటపడపడ్డాడు. ఇక ఈ తరహాలోనే ఓ మహిళ కూడా ప్రాణాలతో బయటపడింది. ఓ కేఫ్ లో దాగివున్న మహిళను గమనించిన ఓ ఉగ్రవాది.. ఆమెపై AK47 ఎక్కుపెట్టినా అది పేలలేదు. దీంతో ఆమె అక్కడి నుంచి పారిపోయి తన ప్రాణాలు కాపాడుకుంది.

ఓ కేఫ్ దగ్గర ఉన్న సీసీటీవీ ఫుటేజ్ లో రికార్డు అయినదాని ప్రకారం.. ఓ మహిళ ఓ ఉగ్రవాది బారి నుంచి ఎంతో చాకచక్యంగా బయటపడింది. తొలుత ఆ కేఫ్ పై ఓ ఉగ్రవాది ఎంతో వేగంగా కాల్పులు జరిపాడు. అందులో వున్నవారిని చంపుకుంటూ దూసుకెళ్ళాడు. అతని దాడిలో ఎంతోమంది చనిపోగా.. మరికొందరు బయటికి పరుగులు తీశారు. అయితే.. ఓ మహిళ మాత్రం ఆ గుంపులో పరుగెత్తలేక.. అక్కడే ఓ ప్రదేశంలో దాక్కుంది. ఆ ఉగ్రవాది తాను రెండడుగులు వేస్తే దొరికిపోయేంత దూరంలో ఓ మహిళ ఉండటం గమనించి ఆమె దగ్గరికి వాయువేగంతో వెళ్లాడు. తన చేతిలోని ఏకే 47 గన్ ను ఆ మహిళ తలకు పాయింట్ బ్లాండ్ లో గురిపెట్టాడు. కానీ ట్రిగ్గర్ నొక్కినా అది పేలలేదు. అది స్ట్రక్ అయిపోవడంతో అతడు రెండు మూడు సెకన్లు మాత్రమే మరోసారి నొక్కే ప్రయత్నం చేశాడు. ఈ క్రమంలో ఆమె బతుకు జీవుడా అంటూ ప్రాణాలు అరచేతబట్టుకొని అక్కడి నుంచి పారిపోయింది.