ITEMVIDEOS: దాపరికం లేదట.. నిజాలనే బట్టబయలు చేస్తానంటున్న ఏంజెలినా జోలీ

Posted: 11/19/2015 03:16 PM IST

అమెరికా అందాల బామ, ఏంజెలినా జోలీ.. హాలీవుడ్‌ మోస్ట్‌ హ్యాపెనింగ్‌ హీరోయిన్‌. తన అందంతో ప్రపంచవ్యాప్తంగా ఎంతో మందికి నిద్ర లేకుండా చేస్తున్న నీలి కళ్ల సుందరి. నలభై సంవత్సరాలు నిండుతున్నా వన్నే తగ్గని అందంతో మెరుస్తున్న ఈ బ్యూటీ ఇటీవలె తన తల్లి నుంచి వారసత్వంగా సంక్రమించిన బ్రెస్ట్‌ క్యాన్సర్‌ బారిన పడిన విషయం తెలిసిందే. దాని నుంచి సురక్షితంగా బయటపడి మళ్లీ సినిమాల వైపు దృష్టి సారించింది. స్వీయ దర్శకత్వంలో భర్త బ్రాడ్‌ పిట్‌తో కలిసి జోలీ నటించిన చిత్రం ‘బై ద సీ’. ఇది త్వరలోనే ప్రేక్షకుల ముందుకు రానుంది. ఇందులో కథానుసారం చాలా హాట్‌ సీన్లు ఉన్నాయి. అయితే ప్రత్యేకించి ఓ సీన్‌ విషయంలో మాత్రం జోలీ తెగ ఫీలైపోతోందట.

ఈ సినిమాలో జోలీ ఓ న్యూడ్‌ బాత్‌ సీన్‌ చేసిందట. పూర్తి నగ్నంగా ఆ సీన్‌లో కనిపించనుందట ఈ సుందరి. అయితే గతంలో జోలీ బ్రెస్ట్‌ క్యాన్సర్‌ చికిత్స తీసుకుంటున్న సమయంలో డాక్టర్లు ఆమె రెండు వక్షోజాలనూ తొలగించారట. దాంతో వక్షోజాలకు సంబంధించిన షాట్‌‌ను మరో మహిళపై తీశారట. అయితే ఇప్పుడు ఆ సీన్‌ను తొలగించాలని జోలీ అనుకుంటోందట. దానికి కారణమేంటంటే తనకు బ్రెస్ట్‌ క్యాన్సర్‌ వచ్చిన సంగతి ప్రపంచవ్యాప్తంగా చాలా మందికి తెలుసని, చికిత్సలో భాగంగా వక్షోజాలను తొలగిస్తారన్న సంగతి కూడా అందరికీ తెలుసని, కావున ఆ సీన్‌ చూసిన వారు నేను మోసం చేశానని భావిస్తారని జోలీ అనుమానపడుతోందట. దీంతో ఏది ఏమైనా ఈ సీన్‌కు కట్‌ చెప్పడానికే నిర్ణయించుకుందట ఈ ‘సార్ట్’ సుందరి. మరి ప్రేక్షకులు అదరిస్తారో లేదో వేచి చూడాలి మరి

జి. మనోహర్