ఎ.ఆర్.రెహమాన్ మతం మార్చుకో..

Posted: 09/18/2015 10:07 AM IST

ఫేమస్ మ్యూజిక్ డైరెక్టర్ ఎ.ఆర్ రెహమాన్ మీద వివాదం ఇంకా నడుస్తూనే ఉంది. ఎ.ఆర్ రెహమాన్ సంగీత దర్శకత్వం వహించిన ఓ సినిమా మీద ముస్లిం పెద్లలు ఫత్వా జారీ చేశారు. మహ్మద్ ను కించపరిచేలా ఉన్న సినిమా మీద ఫత్వా విడుదల చేసినట్లు ముస్లిం మతానికి చెందిన ఓ వర్గం ఫత్వా జారీ చేసింది. సినిమా డైరెక్టర్ తో పాటు సినిమాకు మ్యూజిక్ డైరెక్టర్ గా పనిచేసిన రెహమాన్ కు కూడా ఫత్వా జారీ చేసింది. అయితే దీని మీద రెహమాన్ చాలా సున్నితంగా స్పందించారు. కాగా రెహమాన్ తిరిగి హిందు మతంలోకి రావాలని వి.హెచ్.పి నేత పిలుపునిచ్చారు, ఘర్ వాపసీ కింద రెహమాన్ తిరిగి తన మతం మార్చుకోవాలని హితవు పలికారు.

మ్యూజిక్ డైరెక్టర్ రెహమాన్ కొన్నేళ్ల కిందట హిందు మతం నుండి ముస్లిం మతానికి మారారు. తనతో పాటు తన కుటుంబ సభ్యులు కూడా మతాన్ని మార్చుకున్నారు. అయితే తాజాగా రెహమాన్ మీద జారీఐన ఫత్వాతో వి.హెచ్.పి నేతలు రెహమాన్ కు సలహాలిస్తున్నారు. ‘‘తిరిగి హిందు మతంలోకి చేరాలని... ఒక్క ఫత్వా కాదు ఎన్ని ఫత్వాలు వచ్చినా మీకు ఏమీ కాదని.. హిందూ మతం తిరిగి చేరే వారి కోసం ఎదురుచూస్తోంది’’ అంటూ సురేందర్ జైన్ అనే వి.హెచ్.పి నేత హితవు పలికారు. మరి రెహమాన్ వీటి మీద ఎలా స్పందిస్తారో చూడాలి.

*అభినవచారి*