లాడ్జి గదిలో ఆ ఇద్దరు ఉంటే మాకు చెప్పండి..

Posted: 08/25/2015 11:58 AM IST

ఒకే ఊరిలో ఉండే వాళ్లు.. ఒకరికి ఒకరు బాగా కావాల్సిన వాళ్లు.. ఒంటరిగా ఏకాంతాన్ని అనుభవించాలనుకున్న వారు.. దగ్గరలోని ఓ లాడ్జికి వెళ్లి గది తీసుకొని ఏకాంత సేవలో మునిగిపోతున్నారు. అహ్మదాబాద్ లో తరుచూ జరుగుతున్న తంతు ఇది. అయితే అక్కడే ఉంటున్న స్థానికులు చాలా మంది ఇలా లాడ్జిలను వాడుకోవడం అక్కడ వివాదాస్పదమవుతోంది. భార్యా భర్తలు కానీ, ప్రేమికులు కానీ ఇలా గదిలో ఉంటూ తమ గోళతాము అనుభవిస్తున్నారు. తాజాగా ఓ లాడ్జిలో ఇలాగే రూం తీసుకున్న ఇద్దరు ప్రేమికులు, ఏదో గొవడపడి చివరకు ప్రియుడు తన ప్రేయసిని చంపేశాడు. దాంతో లాడ్జిల్లో రూంలు ఇవ్వడం మీద తీవ్ర దుమారం సాగుతోంది. అయితే పోలీసులు దీనిపై కొత్త రూల్స్ పెడుతున్నారు.

అహ్మదాబాద్ లో లాడ్జిల్లో కాలక్షేపానికి వస్తున్న వారి సంఖ్య అంతకంతకు పెరుగుతోంది. లాడ్జిల్లో గదులను అద్దెకు తీసుకొని.. మూడొ వ్యక్తికి తెలియకుండా ఏదేదో చేస్తున్నారు. అయితే ఇలా వచ్చే వారిలో భార్యాభర్తలు కూడా ఉంటున్నారు. అందుకే తాజాగా పోలీసులు లాడ్జిలో గది కోసం వచ్చే ఇద్దరు కూడా రిజిస్టర్ లో సంతకం చెయ్యాలని.. వారి వారి ఐడి ప్రూఫ్ లను కూడా అందించాలని అంటున్నారు. అయితే లాడ్జి గదిని రెండు గంటలలోపు సమయం వరకు మాత్రమే కావాలి అంటూ వస్తే మాత్రం తమకు సమాచారం అందించాలని వారు కోరుతున్నారు. ప్రజల రక్షణ కోసమే ఇలాంటి చర్యలు తీసుకుంటున్నామని అందరూ సహకరించాలని పోలీస్ అధికారులు కోరుతున్నారు. ఎలాంటి దుర్ఘటన చోటుచేసుకోకుండా ఉండటానికే ఇలాంటి జాగ్రత్తలు తీసుకుంటున్నట్లు అహ్మదాబాద్ పోలీసులు వివరిస్తున్నారు. మరి ఎలాంటి ఫలితాలు వస్తాయో చూడాలి.