తన మరణంపై ముందుగానే వ్యాఖ్యలు చేసిన ‘కలాం’

Posted: 07/31/2015 10:13 AM IST

భారత మాజీ రాష్ట్రపతి, శాస్త్రవేత్త ఏపీజే అబ్దుల్ కలాం జూలై 27వ తేదీన తనువు చాలించారు. ‘కలలు కనండి వాటిని సాకారం చేసుకోండి’ అంటూ విద్యార్థులకు తమ భవిష్యత్తుపై ఆశలు రేకెత్తించిన ఈయనకు.. తన మరణం గురించి ముందే తెలిసిందట. ఆయనకు అత్యంత సన్నిహితంగా మెలిగిన అరుణ్ తివారీ ఈ విషయాన్ని వెల్లడించారు. 33 ఏళ్లపాటు కలాంకు సహాయకుడిగానే కాకుండా ఆయన రచనల్లోనూ తివారీ పాలుపంచుకున్నారు. తాజాగా కలాం గురించి ఈయన మాట్లాడుతూ.. తాను చనిపోవడానికి ముందే తన మరణంపై కొన్ని ఆసక్తికరమైన వ్యాఖ్యలు చేశారని తివారీ పేర్కొన్నారు.

కలాం తాజా పుస్తకం ‘ట్రాన్సెండెన్స్’లోని 50వ పేజీలో ఆయన రాసిన వ్యాఖ్యలను తివారీ గుర్తు చేసుకున్నారు. ‘చివరికి స్వామీజీ నన్ను భగవంతుడి సమతుల్య కక్ష్యలోకి నెట్టారు. ఇలా ఎలాంటి యుక్తులు అవసరం లేదు. శాశ్వతమైన అంతిమ స్థితికి నన్ను చేర్చారు’ అంటూ కలాం ఆ పేజీలో రాశారు. ఈ వ్యాఖ్యల గురించి తివారీ ప్రస్తావిస్తూ.. కలాంకు తన మరణంపై ముందే తెలిసిపోయిందని వెల్లడిస్తున్నారు.

AS