సల్మాన్ ఖాన్ కేసులో తుది తీర్పు మరికొద్దిసేట్లో..

Posted: 05/06/2015 10:14 AM IST

బాలీవుడ్‌ నటుడు సల్మాన్‌ఖాన్‌ హిట్‌ అండ్‌ రన్‌ కేసులో నేడు కోర్టు తీర్పును వెలువరించనుంది. 2002 సెప్టెంబర్‌లో సబర్బన్‌ బాద్రాలో ఫుట్‌పాత్‌పై నిద్రిస్తున్న వ్యక్తులపై సల్మాన్‌ కారు దూసుకెళ్లింది. ఈ ప్రమాదంలో ఒక వ్యక్తి మృతి చెందగా, మరో నలుగురికి తీవ్ర గాయాలయ్యాయి. దీంతో సల్మాన్‌పై ఐపీఎస్‌ 304 సెక్షన్‌ కింద కేసు నమోదైంది. విచారణలో భాగంగా 21 మంది సాక్షులను న్యాయస్థానం విచారించగా, ఒకరు మినహా 20 మంది ఆయనకు వ్యతిరేకంగా సాక్షం చెప్పారు. ఘటన తరువాత 13 ఏళ్ల సుదీర్ఘ విచారణ అనంతరం న్యాయస్థానం నేడు ఉదయం 11.15 గంటలకు తీర్పు వెలువరించనుంది. సల్మాన్‌కు శిక్ష ఖరారైతే 10 సంవత్సరాల జైలు శిక్ష పడే అవకాశాలున్నాయని తెలుస్తోంది.

దీంతో కోర్టు ఆవరణలో భారీ స్థాయిలో బందోబస్తు ఏర్పాటు చేస్తున్నారు. లాయర్లు, మీడియా, కోర్టు సిబ్బందిని మాత్రమే లోపలికి అనుమతిస్తారు. సల్మాన్ హీరోగా పలు సినిమాలు నిర్మితమవుతున్నాయి. కొన్ని సెట్స్‌పై ఉన్నాయి. కొన్ని చర్చల్లో ఉన్నాయి. మొత్తంమీద రూ. 200 కోట్ల ప్రాజెక్టులు ఆయనపై ఆధారపడి ఉన్నాయి. సల్మాన్ జైలుకెళ్తే ఆ ప్రాజెక్టుల పరిస్థితి నిలిచిపోయే అవకాశముంది. అయితే సల్మాన్ ఖాన్ జైలుకు వెళతాడా లేదా అన్నదానిపై అన్ని మీడియాల్లో వార్తల మోత మోగుతోంది. ట్విట్టర్ లు, షేస్ బుక్ వేదికలుగా కొన్ని వేల మంది సల్మాన్ ఖాన్ ఫ్యాన్స్  తమ హీరోకు దేవుడు అండగా నిలుస్తాడని, ఎలాంటి మచ్చ లేకుండా బయటపడతారని  వారు ఆకాంక్షిస్తున్నారు. వారి ట్వీట్టపై ఓ లుక్ వెయ్యండి..

*అబినవచారి*