సత్యం రామలింగరాజు అప్పీల్ పిటిషన్.. శిక్ష. జరిమానా రద్దు చెయ్యాలట!

Posted: 04/13/2015 03:31 PM IST

తన శిక్షను, జరిమానాను రద్దు చెయ్యాలని కోరుతూ సత్యం రామలింగరాజు నాంపల్లి కోర్టులో అప్పీల్ పిటిషన్ దాఖలు చేశారు.  పిటిషన్ ను స్వీకరించిన కోర్టు విచారణను ఎల్లుండికి వాయిదా వేసింది. తన ఆరోగ్యం సహకరించడం లేదని పిటిషన్ లో రామలింగరాజు వివరించారు. అలాగే తాను చేసిన సామాజిక కార్యక్రమాలను కూడా పరిగణలోకి తీసుకొని శిక్షను రద్దు చెయ్యాలని రామలింగరాజు కోర్టును కోరారు. ఇప్పటికే 33 నెలల జైలు శిక్ష ను అనుభవించినందుకు గాను జైలు శిక్ష, జరిమానాలను రద్దు చెయ్యాలని కూడా అతను కోరారు.

సత్యం కంప్యూటర్స్ అధినేత రామలింగ రాజుకు ఏడు సంవత్సరాల సాధారణ జైలు శిక్ష, 5.50 కోట్ల జరిమానా విధించింది. రామరాజు, రామలింగ రాజులు మినహా మిగిలిన వారికి మాత్రం కేవలం 25 లక్షల జరిమానాను విధించింది కోర్ట్ . 14 వేల కోట్ల కుంభకోణంలో మొత్తం 216 మంది సాక్షులను విచారించారు. సత్యం కేసులో 120పి, 409, 406, 467, 471, 477, 201 సెక్షన్ ల కింద శిక్ష ను వేసింది. ఒక్కో సెక్షన్ లో 10 నుండి 15 లక్షలు కలిపి 5.5 కోట్ల భారీ జరిమానాను విధించింది. కేసులో సాక్షులను తారుమారు చెయ్యడాన్ని కూడా కోర్టు పరిగణలోకి అయితే రామలింగరాజు తన శిక్షను తగ్గించాలని కోరినా కోర్టు మాత్రం పట్టించుకోలేదు. గతంలోనే రామలింగరాజు అభ్యర్థనను పట్టించుకోని కోర్టు తాజా పిటిషన్ పై ఎలాంటి తీర్పును వెల్లడిస్తుందో చూడాలి.

- అభినవచారి