ITEMVIDEOS: ISIS పైశాచికం.. జోర్డాన్ పైలట్ సజీవదహనం!

Posted: 02/04/2015 10:56 AM IST

Islamic state terrorists burnt jordan pilot alive video gone viral

ISIS ఉగ్రవాదులు రానురాను మరీ ఘోరమైన దారుణాలకు ఒడిగడుతోంది. నిన్నటికినిన్నే జపాన్ జర్నలిస్టును కిరాతకంగా చంపేసిన ఈ ఉగ్రవాదులు.. ఇప్పుడు తమ దగ్గర బందీగా వున్న జోర్డాన్ పైలట్’ను చాలా దారుణంగా హతమార్చారు. మోజ్ అల్ - కసస్ బెహ్ అనే ఈ జోర్డాన్ పైలట్’ను ఐసిస్ ఉగ్రవాదులు మొదటగా ఆ పైలట్’పై మండే ద్రవ్యపదార్థాన్ని పోసి ఒక బోనులో కట్టేశారు. అనంతరం అతనికి మంటలు అంటించి సజీవదహనం చేసినట్లుగా వున్న వీడియోను ఉగ్రవాదులు విడుదల చేశారు.

గత సంవత్సరం డిసెంబర్’లో సిరియాలోని రక్కా సమీపంలో ఈ జోర్డాన్ పైలట్’ను ఉగ్రవాదులు కిడ్నాప్ చేశారు. అయితే.. ఇతనిని విడిపించుకునేందుకు జోర్డాన్ ప్రభుత్వం ఎన్నో ప్రయత్నాలు చేసింది. తమ పైలట్ అల్ - కసస్ బెహ్ విడిచిపెడితే తమ వద్ద బందీగా వున్న ఐసిస్ మహిళా నేతను విడుదల చేస్తామని జోర్డాన్ గతంలో చాలాసార్లు ప్రకటించింది. అయితే.. ఉగ్రవాదులు మాత్రం వాటిని ఏమాత్రం పట్టించుకోకుండా సదరు పైలట్’ను సజీవదహనం చేసేసి.. ఇప్పుడు ఆ వీడియోను అప్’లోడ్ చేశారు. దీంతో ఇది సంచలనంగా మారింది.

అటు తమ పైలట్’ను సజీవదహనం చేసినట్లుగా విషయం తెలియగానే జోర్డాన్ ప్రభుత్వం వెంటనే ప్రతీకారంగా ఇద్దరు ఐసిస్ ఉగ్రవాదులను ఉరితీసింది. అనంతరం తమ పైలట్ కసస్ బెహ్ నిజమైన హీరో అంటూ జోర్డాన్ రాజు అబ్దుల్లా కొనియారు. మరోవైపు తన భర్తను ఈ విధంగా సజీవదహనం చేయడంపై ఆ పైలట్ భార్య తీవ్ర ఆవేదన వ్యక్తం చేసింది. గతంలో తన భర్తను విడిపించాల్సిందిగా ఆమె ఎన్నోసార్లు వేడుకుంది కూడా!