సంబంధం లేకపోతే.., అవెక్కడి నుంచి వచ్చాయి

Posted: 01/17/2015 08:07 AM IST

ప్యారిస్ లో దుండగుల దాడులు కొనసాగుతున్నాయి. వారం రోజుల క్రితం చార్లీ హెబ్డో పత్రికా కార్యాలయంపై దాడి చేసి 17మందిని బలితీసుకున్న విషయం మరువక ముందే మరో దాడి జరిగింది. వాయువ్య ప్యారిస్ ప్రాంతంలోని ఓ పోస్ట్ ఆఫీస్ లో నిందితుడు ముగ్గురు వ్యక్తులను బంధీగా చేశాడు. ఈ ఘటనతో ప్యారిస్ మళ్లీ ఉలిక్కి పడింది. విషయం తెలుసుకున్న పోలిసులు రంగంలోకి దిగారు. పోస్ట్ ఆఫీస్ పరిసర ప్రాంతాలను ఆధీనంలోకి తీసుకుని ఆపరేషన్ మొదలుపెట్టారు.

చాకచక్యంగా వ్యవహరించి నిందితుడిని అరెస్టు చేసి... ముగ్గురు బంధీలను విడిపించారు. తాజా ఘటనలో తీవ్రవాదులతో నిందితుడికి సంబంధాలు ఉండకపోవచ్చని అనుమానిస్తున్నారు. స్పష్టమైన సమాధానాలు చెప్పకపోవటంతో మానసిక స్థితి సరిగా లేదని భావిస్తున్నారు. అయితే భారీగా ఆయుధాలు లభ్యం కావటంతో ఇవన్నీ ఎక్కడి నుంచి తీసుకువచ్చాడని పోలీసులు విచారిస్తున్నారు.