మోడి విజ్ఞప్తికి పవన్ ఓకే చెప్తాడా..?

Posted: 01/05/2015 07:31 AM IST

ఎన్నికల ముందు పవన్ కళ్యాణ్ చేసిన ప్రచారంతో లాభం పొందిన బీజేపీ మరోసారి ఆయన్ను ఉపయోగించుకోనుంది. పవన్ క్రేజ్ ను ప్రధాని తన కార్యక్రమం కోసం వాడుకోవాలని నిర్ణయించారు. ఎన్డీయే ప్రభుత్వం ప్రతిష్టాత్మకంగా చేపట్టిన స్వచ్ఛ భారత్ కార్యక్రమం విజయవంతం కోసం నడుం బిగించింది. ఇంతకాలం సెలబ్రిటీలను నామినేట్ చేస్తూ సాగిన ఈ కార్యక్రమం ఇక మరింత వేగవంతం కానుంది. సెలబ్రిటీలను బ్రాండ్ అంబాసిడర్లుగా ఎంచుకుని వారిచే ప్రజలకు అవగాహన కల్పించనుంది. ఇందుకోసం తెలుగు ప్రముఖులను ఎంపిక చేసి జాబితా ప్రకటించింది. స్వచ్ఛ భారత్ తెలుగు బ్రాండ్ అంబాసిడర్లను చూస్తే..

పవన్ కళ్యాణ్, అమల, కోనేరు హంపి, ఎస్పీ బాలసుబ్రహ్మణ్యం, నితిన్, సుద్దాల అశోక్ తేజ, కవిత, వీవీఎస్ లక్ష్మణ్, డాక్టర్ జీఎస్ రావు, రామేశ్వర రావు, శివలాల్ యాదవ్, జీవీకే రెడ్డి సహా ఇతరులు ఈ కార్యక్రమ ప్రచారకులుగా ఎంపికయినట్లు ప్రకటించారు. వీరంతా స్వచ్ఛ భారత్ ఆవశ్యకతపై ప్రజలకు అవగాహన కల్పించనున్నారు. పవన్ కళ్యాణ్ ఇప్పటివరకు స్వచ్ఛ భారత్ లో పాల్గొనలేదు. అలాంటిది ఈ కార్యక్రమ బ్రాండ్ అంబాసిడర్ గా  ఉంటారా లేక, మోడి విజ్ఞప్తిని తిరస్కరిస్తారా అనే సందేహాలు వ్యక్తం అవుతున్నాయి.

 

 

కార్తిక్