మహిళకు బూతు మెస్సేజ్ లు పంపిన బీజేపీ నేత అరెస్ట్!

Posted: 10/27/2014 07:18 PM IST

Bjp young leader gajula venkaiah nayudu arrested for harassing woman

సార్వత్రిక ఎన్నికల నేపథ్యంలో తమ పార్టీ అధికారంలోకి వస్తే మహిళలకు పూర్తి సంరక్షణ ఇప్పిస్తామంటూ ప్రకటించిన బీజేపీ పార్టీ... తన మాట తప్పుతున్నట్టు కనిపిస్తోంది. ఇప్పుడు ఆ పార్టీకి సంబంధించిన నాయకుడు ఒకరు ఓ మహిళపై నిత్యం వేధింపులకు పాల్పడుతున్నాడు. తనను వదిలేయమంటూ ఆ మహిళ ఎన్నిసార్లు ప్రాధేయపడ్డా.. అతను మాత్ర వదలడం లేదు. ఒకవేళ తనపై పోలీసులకు కంప్లైంట్ చేసినా.. తీవ్రపరిణామాలను ఎదుర్కోవలసి వస్తుందంటూ ఆ మహిళను భయటపెడుతూ వచ్చాడు ఆ నేత! అయితే చివరికి ఏదో ఒక విధంగా తన భయాన్ని పోగొట్టుకుని పోలీసులకు ఆశ్రయించడంతో అతడు పట్టుబడ్డాడు.

గుంటూరు జిల్లాలోని తెనాలిలో వుండే గాజుల వెంకయ్యనాయుడు అనే బిజెపి యువనాయకుడు.. ఓ మహిళకు అసభ్యకరమైన మెస్సేజ్ లు పంపుతూ వచ్చాడు. గతకొన్నినెలల నుంచి అతడు తరుచూ బూతు సందేశాలు పంపుతున్న కారణంగా తీవ్ర అసంతృప్తికి గురైన ఆమె.. చివరకు పోలీసులను ఆశ్రయించింది. నకు మెయిల్స్ రూపంలో అసభ్యకర మెస్సేజ్ లను పంపించడంతొపాటు ఫోటోలను కూడా మార్ఫ్ చేసి తనను బెదిరిస్తున్నాడని ఆమె పోలీసులకు ఫిర్యాదు చేసింది. దీంతో కేసు నమోదు చేసుకున్న పోలీసులు.. ఆదివారంనాడు అతనిని తన స్వగ్రామంలోనే అదుపులోకి తీసుకున్నారు. అతన్ని స్థానిక కోర్టులో ప్రవేశపెట్టిన అనంతరం హైదరాబాద్ కు తలరించినట్లు సైబరాబాద్ పోలీసులు తెలిపారు.

ఇదిలావుండగా.. గత సంవత్సరం మే నెలలో కూడా ఇతగాడు ఇదే కేసులో అరెస్టయ్యాడు. అయితే జైలు నుంచి విడుదలైన అనంతరం తిరిగి ఆమెను వేధించడం ఆరంభించాడు. దీంతో ఆ వేధింపులు భరించలేని ఆమె గతేడాది అక్టోబర్ లో ఆత్మహత్యాయత్నం కూడా చేసింది. కానీ ఎలాగోలా బతికి బయటపడింది. అయినా ఇతడు తరుచూ ఆమెను ఫోటోలు మార్ఫ్ చేసి ఆమెకు పంపించడం, అసభ్యకరమైన సందేశాలు పంపించడం మాత్ర తగ్గలేదు. దీంతో ఇన్నాళ్లవరకు వేగిన సదరు మహిళ.. చివరకు పోలీసులను ఆశ్రయించి అతని ఆట కట్టించింది.