పార్లమెంట్ లో సోనియాగాంధీ మనవడు!

Posted: 07/17/2014 05:32 PM IST

Sonia gandhi grandson rehan visits parliament on tuesday

కాంగ్రెస్ పార్టీ అధ్యక్షురాలు అయిన సోనియాగాంధీ కుటుంబం నుంచి మరో వారసుడు తెరమీదకొచ్చాడు. ఇప్పటికే ఘోరపరాజయం పాలయి, ఒక మూల కూర్చుని వున్న కాంగ్రెస్ పార్టీ... తాజా తమ కొత్త వారసుడ్ని తెరమీదకు తీసుకొచ్చి, మీడియాను తమ పార్టీ మీద దృష్టి మళ్లించింది. అతనెవరో కాదు.. ప్రియాంక గాంధీ, రాబర్డ్ వాద్రాల తనయుడు అయిన రెహాన్. ఇతను బుధవారంనాడు తన స్నేహితులతో కలిసి పార్లమెంట్ హాల్లో కొద్దిసేపటి వరకు సందడి చేశాడు. లోక్ సభలోని సందర్శకుల గ్యాలరీలో కొద్దిసేపటి వరకు కూర్చొని, లోక్ సభ కార్యాకలాపాలను ప్రత్యక్షంగా వీక్షించాడు. అలాగే పార్లమెంట్ లో వుండే కాంగ్రెస్ పార్టీ కార్యాలయంలోనూ కొద్దిసేపటివరకు రెహాన్ తన స్నేహితులతో కలిసి సందడి చేశాడు.

Simple Picture Slideshow:
Could not find folder /home/teluguwi/public_html/images/slideshows/SoniaGandhiGrandSon

గతంలో ఉత్తరప్రదేశ్ లోని రాయబరేలీ, అమేథీ నియోజకవర్గాల్లో ప్రియాంకగాంధీ ప్రచారాలు కొనసాగించిన సమయాల్లో రెహాన్ తోపాటు కూతురు మిరియాను కూడా తీసుకెళ్లిన సందర్భాలు వున్నాయి. అయితే అప్పుడు వారిని పార్లమెంట్ కి మాత్రం తీసుకురాలేదు. అయితే ఇప్పుడు తాజాగా మొదటిసారి ప్రియాంకగాంధీ వారసుడు పార్లమెంటుకి వచ్చాడని తెలిసిన వెంటనే అతనిని చూసేందుకు కాంగ్రెస్ ఎంపీలు, అక్కడున్న సిబ్బంది, మీడియా మెంబర్లందరూ ఎగబడ్డారు.

అలాగే కాంగ్రెస్ పార్టీ పార్లమెంట్ సభ్యుడు, కేంద్ర రాష్ట్ర విద్యుత్ శాఖమంత్రి అయిన జ్యోతిరాదిత్య మాధవరావ్ సింధియా భార్య అయిన ప్రియదర్శిని రాజే, కొడుకు మహనార్యమన్ లు కూడా పార్లమెంట్ సమావేశాలు ముగిసిని అనంతరం మీడియా కంట పడ్డారు. వీరు ఈ విధంగా పార్లమెంట్ కు హాజరు కావడంపై కొంతమేరకు ప్రాముఖ్యత సంతరించుకుంది.