పులివెందులలో పూలవాన- జగన్ నామినేషన్ ర్యాలీలో

Posted: 04/18/2014 10:31 AM IST

పులివెందుల నియోజకవర్గంలో 2014 ఎన్నికలకు నామినేషన్ వెయ్యటానికి వెళ్తున్న వైయస్ ఆర్ కాంగ్రెస్ పార్టీ అధ్యక్షుడు వైయస్ జగన్ మీద అభిమానులు ఇళ్ళ పైనుంచి పూలవాన కురిపించారు. 
రెండుసార్లు కడప నుంచి పార్లమెంటు స్థానానికి పోటీ చేసిన జగన్ ఈసారి మొదటిసారిగా పులివెందుల అసెంబ్లీ స్థానానికి పోటీచేస్తున్నారు.  నామినేషన్ పేపర్లను దాఖలు చెయ్యటానికి ముందు వైయస్ జగన్, ఆయన భార్య భారతి ఇడుపులపాయలో వైయస్ ఆర్ సమాధి దగ్గర ప్రార్ధన చేసారు. 
జగన్ బాబాయిలు వైయస్ వివేకానంద రెడ్డి, ప్రకాశ్ రెడ్డి నామినేషన్ చేస్తున జగన్ ని ప్రతిపాదించగా జగన్ మధ్యాహ్నం ఒంటిగంటకు పులివెందుల తహసీల్ ఆఫీసులు నామినేషన్ ను దాఖలుచేసారు. 
పులివెందులలో భాక్రాపురం లో ఉన్న పార్టీ కార్యాలయం నుంచి నామినేషన్ కోసం ర్యాలీగా వెళ్తున్న జగన్ మీద దారిపొడవునా ఇళ్ళ పైనుంచి పువ్వులు చల్లగా జగన్ కి ఇబ్బంది కలుగకుండా పైన పెద్ద పెద్ద టవల్స్ ని పట్టుకుని సెక్యూరిటీ సిబ్బంది నిల్చున్నా లాభం లేకపోయింది.  జగన్ మీద పూలవాన నిరంతరంగా పడింది.  దారిలో పూల అంగళ్ళు కూడలిలో జగన్ తను వెళ్తున్న వాహనం పై నుంచి ఉపన్యసిస్తూ వైయస్ఆర్ కాంగ్రెస్ ని అధికారంలోకి వచ్చేట్టుగా చూడమని ప్రజలను అర్థించారు. 
-శ్రీజ